› 選擇地區
三藩市
紐約
洛杉磯
其他美國地區
香港 台灣 北美
 
2018年10月05日

【跟肥媽大灣區食鯇魚魚生】強調唔係跟稿讀 黃美琪:食完精神爽利

美琪BB都有試食生鯇魚片,佢話唔係太擔心。(無綫電視截圖/IG圖片)
建立時間 (HKT): 1005 17:00

本港食安中心及衞生署衞生防護中心先後在facebook發帖,直指最近有電視節目介紹用鯇魚製作魚生,引起關注,強調「切勿進食淡水魚生」。而肥媽Maria Cordero主持嘅《大灣區 活好D》,節目上有份食鯇魚魚生嘅黃美琪大讚冇血味同腥味,好好食。

相關新聞:【食安中心籲勿吃鯇魚魚生】《大灣區 活好D》主持肥媽回應:我睇住佢哋自己養,我有信心食

不過,食安中心都呼籲切勿進食淡水魚生,有可能帶有致病菌或寄生蟲,美琪BB今日接受傳媒訪問時話未睇新聞,佢話:「都唔係好擔心嘅......聽講係自己養殖(鯇魚),當日間餐廳同師傅都好專業,做開切魚生嘅,所以好放心食,冇考慮呢樣嘢。」

美琪BB透露食後感唔係照稿讀,係發自內心,佢話﹕「係食完自己講感受,真心覺得幾好食,原來可以咁食,我係抱住好奇心態去試,食完都精神爽利。」美琪直言自己健康一向唔太差,但都呼籲腸胃唔好嘅人要小心選擇,佢話﹕「咁一向都話三文魚有蟲,但自己都鍾意食,有時在難免,咁當然腸胃唔好都要自己選擇。」

相關新聞:【有尊貴享受】號稱「千人狂歡節」 肥媽月底帶團遊大灣區

節目中(第七集)一開始,肥媽就問兩位主持:黃美琪同林伊麗,問佢哋覺得佛山點啦,然後話題一扯就扯到去大灣區,肥媽仲話:「大灣區呢,我覺得有啲嘢,佢哋係比香港仲先進。」例如呢?街市「電子化」已超越香港——「你傻嘅咩,依家邊有人帶錢出嚟買餸0架?用電話0架嘛!」


精選娛聞,喺晒《娛果》 http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載