蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月07日

【香港區決賽】逾3.5萬Like贏出人氣獎 Gin Lee唱完Opening即頒獎

18,045
攝影:林賓尼
建立時間 (HKT): 1007 20:31

久違了嘅亞姐今年復辦,香港區決賽今日喺大埔總台舉行,如果有留意的話,應該知道最後有10圈喺港區決賽角逐,之後會再喺馬六甲有總決賽。亞視亦宣佈,香港賽區決賽冠亞季及最上鏡小姐及Instagram人氣大獎得主,都會有后冠,幾個賽區加埋,總獎金就去到一千萬。

相關新聞:【暗寸港姐假?】問答環節唔要交行貨 陳志雲:最緊要有自己想法

李幸倪(Gin Lee)今晚擔任表演嘉賓,佢喺Opening會唱歌,又透露之後有一part會一路唱,啲佳麗會着晚裝出場。Gin Lee話着泳衣會怕醜,唔會參加選美,細個都係扮扮行catwalk多啲,講到有咩選美準則,佢話:「有時睇女仔仲多過男仔,自己鍾意氣質型,樣唔係特別重要,講嘢有內涵、笑容靚就好吸引,身材要balcance,唔使太誇張。」Gin Lee又話啲佳麗着到好高,佢反而覺得:「着得太高唱得唔舒服,太矮又覺得自己太矮,所以我應該唔得,選美應該高啲好啲。」

腹大便便嘅董敏莉,今晚亦有到場睇亞姐,董敏莉喺接受訪問時就指自己仲有幾日就陀B 8個月:「仲有個幾月就會生小朋友,預產期預計係11月尾,自己都好期待,因為自己都係喺11月尾生日,依家睇嘅有冇機會夾埋同一日,都問緊醫生,不過朋友就話若然同一日就唔好,因為到時冇人會記得我嘅生日,淨係會記得BB,但我就覺得如果同小朋友可以同一日生日,都幾得意。」問到BB性別,董敏莉就表示想保持神秘,所以暫時未想公開住:「不過好多身邊朋友都知,都好多人估男定女,大家估嘅比數都差唔多,等大家估吓先,不過就照咗超聲波,見到BB腳好長。」問佢今晚係咪邊睇騷邊胎教?佢就話:「今晚帶佢嚟睇靚女。」

相關新聞:【亞姐問答環節】大讚佳麗回答水準 陳志雲:答得好過梁振英

決賽喺晚上8點開始,不過節目會喺8點半先播,開場時 Gin Lee唱住歌咁帶10位身穿白色比堅尼嘅佳麗出場,唱完歌後,Gin Lee就頒發ig人氣大獎,9號李芷菱(Camilla)最終以35492個like贏出,成為人氣大獎得主。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載