日本女星有村架純主演嘅TBS電視台新劇《中學聖日記》已經開播，今次佢飾演嘅末永聖係個喺鄉下任教嘅中學Miss，再起用19歲男新人岡田健史演15歲學生黑岩晶，演繹出一段禁斷之戀，故事被指似足松嶋菜菜子夥拍瀧澤秀明嘅經典日劇《魔女的條件》。
《中學聖日記》改編自同名漫畫，安排在每周二晚10時播出，首集有岡田健史掌摑有村架純場面，扮演女主角未婚夫嘅係町田啟太，由於拍拖多時嘅二人展開遠距離戀愛，導致感情轉淡，有村更同男學生發展出微妙關係，而女星吉田羊同扮演中性酒保嘅中山咲月有SheShe接吻場面，可惜首播僅得6%收視，成績並不理想。
另外，有村架純去年嘅人氣劇《雛鳥》宣佈添食，NHK電視台公佈會開拍續篇集以四集形式於明年春天播出。
精選娛聞，喺晒《娛果》
http://fb.com/appledailyent
