蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月11日

【ViuTV節目巡禮】明年續辦《全民造星》 再奪金像獎直播權

20,588
(facebook圖片)
建立時間 (HKT): 1011 16:00

每到年尾,又係各電視台舉行節目巡禮嘅時間。今年打頭陣,係ViuTV。

相關新聞:【留名等改圖…】趕住出節目爭廣告 奇妙電視「門」字新Logo曝光

《ViuTV 2019年節目發佈會》今午喺九展舉行,《全民造星》十強包括Stanley、龍志權、Jeremy、Anson Kong、Ian、Lokman、細貓、肥仔、Edan、姜濤唱《前傳》打開序幕。緊接《廣告女皇》參賽者亦上台表演歌舞。發佈會其中一個驚喜,當然就係宣佈來年將會製作新一季《全民造星》。

全新主題《Good Night Show》今年年尾將搶先面世,包括《發洩擂台》(暫名)將邀請一班壓力爆煲嘅打工仔爆盡行内慘況,仲會「反枱鎅凳」洩憤;《只有更荒謬》(暫名)就係揭開香港民生荒謬事,嬉笑怒罵,曲線抽水,幫港人出氣。

相關新聞:【ViuTV節目巡禮】有秋生盧海鵬卡士勁 製作部高層:可能選童星!

至於點解喺九展舉行,因為要正式宣佈,ViuTV於九展開設全新製作總部,新錄影廠佔地更廣,亦方便現場觀眾參與節目拍攝。

未完0架,ViuTV宣佈,來年第38屆香港電影金像獎,亦由佢哋拎到直播權。另世界各地大型體育盛事,包括西甲、世界高爾夫球錦標賽、香港網球公開賽等,ViuTV亦拎到直播權!

劇集方面,來年ViuTV將製作更多不同類型劇集,力捧對象不問而知——姜濤!喺名單上,姜B一人已包攬兩劇,包括《全民造星》四子——Anson Lo、lan、Lokman及姜濤合拍嘅劇集《信任的遊戲》;另一套就係景黛音復出之作《退休女皇》,姜濤同《全民造星》Anson Kong都會參與演出。

此外,南方舞廳新作《婚內情》、改編藍橘子小說嘅科幻愛情劇《假若愛有期限》、反映社會議題嘅校園劇《教束》、號稱係非一般家庭倫理劇《仇老爺爺》、科幻喜剧《Reboot重新啟動》等等劇集亦將陸續推出。

不得不提,當然仲有重頭劇:《詭探前傳》。

至於其他節目,新一年實況娛樂將加推節目新品種,由貼地到離地、通俗到學術都有,包括:
《人住公屋我住公屋》
《堅離地》
《買樓狂想#曲》
《Taxi Go 2》
《眾神的大陸》
《寂寞是幫兇》
《愛我嗎?愛你媽》
《闔家常識學術問答比賽3》
《大廚背後》
《餸情》

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載