蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月12日

【add即時.尚】由溫柔演到陰險 佘詩曼:「可以用對眼殺死人好正!」

15,696
建立時間 (HKT): 1012 02:00

佘詩曼演古裝劇,其實不算甚麼新鮮事,過去不少她有份演出的劇集,都是話題與焦點,但相隔十四年才看到她再拍清裝劇,難免有一種久違了的感覺。早前熱播的內地宮廷劇《延禧攻略》,連帶劇中飾演「嫻妃」的阿佘也爆紅,「奸到出汁」的她,演技備受讚賞,阿佘則形容是一次有趣經驗,「可以用對眼殺死人其實好正!」

宮廷劇《延禧攻略》的「嫻妃 」佘詩曼,由前期的溫婉可人,演到後期的心狠手辣。挑戰奸角,阿佘日前在巴黎受訪分享在準備劇本、角色時,其實與以往無異,演繹反差之大極到位,大概只能說演技真的是經過年月、經驗累積而來。

【電視劇是一場戀愛】
阿佘說自己以往也愛留意別人演繹奸角,而且更常常幻想如果有天角色落在自己手上,要怎樣拿捏和處理,「只係我一路都未遇到可以試嘅角色,今次係好好嘅機會,可以運用番多年嚟自己幻想嘅方法去做。」阿佘又將電視劇形容為與觀眾的一場戀愛,「電視劇可以畀你慢慢投入角色,觀眾融入你嘅角色,係一、兩個月,甚至三個月,好似拍咗好耐拖咁;電影就濃縮好多,所以演繹方面,自己都仲揣摩緊,但兩樣我都鍾意。」

【我最想演出舞台劇】
嘗過奸角過足癮後,阿佘透露希望下次想挑戰喜劇角色,「喜劇其實好難,要好嘅劇本、好嘅對手,自己timing又要捉得好,喜劇拍嘅時候開心,觀眾睇嘅時候又要開心,好想試吓自己得唔得。」不過或者是與觀眾永遠都隔着螢幕和公仔箱的關係,阿佘大呻最想挑戰的,其實是舞台劇,「我好想演舞台劇!一直都物色緊劇本同啱我嘅角色,好想feel吓現場觀眾反應嘅感覺,因為永遠都好遠,好想真係試吓近距離嘅交流。」


採訪:陳蔚渝
攝影:周樂恒
服裝提供 : Shiatzy Chen
化妝 : Katherine Lo
髮型 : Lorraine Lam
地點提供:The Peninsula Paris

更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載