蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月12日

【韓流】具荷拉捲約會暴力一事變試題惹爭議 學校公開道歉

8,357
具荷拉與男友崔鐘範近日成為是非人物
最後更新: 1012 16:28 / 建立時間 (HKT): 1012 12:29

【新增內容】

韓國女團KARA嘅27歲前成員具荷拉近日爆出是非,上月中因涉嫌毆打27歲髮型師男友崔鐘範而驚動到警方,隨後具荷拉嘅前隊友姜智英喺Instagram公開一張爆谷相,立即被網民狠批,指佢暗示具荷拉跟崔鐘範一事,疑似「食花生等睇戲」(相關新聞連結: https://bit.ly/2OREYoH )

隨後爆出具荷拉與崔鐘範係互毆,並非具荷拉單方面打人。而近日又有報道指具荷拉遭男方以性愛片威脅,韓媒亦公開具荷拉喺電梯向崔鐘範下跪求饒嘅CCTV片段(相關新聞連結: https://bit.ly/2OaAESd )。

連日來具荷拉及男友都成為是非人物,甚至有學校將事件變成考題畀學生作答。相關考題噚日喺網上曝光,據悉係韓國某女子高中近日考試嘅英文試卷,而題目中,具荷拉、崔鐘範及KARA前成員姜智英均以原名登場,仲有三人嘅相,至於內容亦與具荷拉、崔鐘範之間嘅衝突有關,隨即引起爭議,網民紛紛留言指責出題嘅老師,稱此舉對具荷拉再度造成傷害,亦有網民要求教育廳徹查事件。對此,教育廳稱出題權限喺學校一方,目前仍等待學校嘅報告。

涉事學校隨後喺學校網站上發聲明道歉,表示:「老師嘅出題意圖係想強調嘲笑他人嚴重情況嘅語言係非常唔恰當嘅做法,題目係關於正確語言使用方式嘅問題。但出題嘅老師亦承認問題嘅形式及出處不合時宜,所以真心在此道歉。承諾以後喺課堂、出題時涉及時事新聞,特別係喺社會上引起巨大爭議嘅問題時,將會更加慎重。本校冇意識到問題嘅重要性,冇企喺受害者嘅立場看待事件感到非常抱歉。」

另外,警方今日表示就崔鐘範涉嫌以性愛片威脅具荷拉一事,警方已收到電腦分析調查報告,不過警方尚未決定是否傳召二人。警方又指具荷拉跟崔鐘範嘅案件因涉嫌攻擊、恐嚇、威脅及性犯罪,因此將要更多時間先能完成調查工作。

精選韓流,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載