買唔到。買唔到。買唔到。
歌神張學友明年1月假紅館舉行15場「學友．經典」演唱會，本月4號接受信用卡優先訂飛，當時仲未見到張Seating plan╱絕望座位表，但已經好多歌迷留言鬧爆話買唔到飛，$980貴飛在網上喪炒到$9,000一張，黃牛食水認真深。
信用卡優先訂飛當日，已有不少歌迷留言大呻：「完全入唔到」、「乜都填好晒，之後下一步，彈出咗」，仲要等5秒reload。城市售票網好啲，3秒reload咋！
今日就係公開售票日，傳說中嘅座位表亦已公佈。相比周杰倫、張敬軒佢哋嘅座位表，學友呢張，唔算係非常絕望，有人甚至可以買到$680四連座，但近台嘅靚位呢，sorry，黑色嘅。
截至中午12時，根據URBTIX資料update，暫時仲有29,114張飛，亦未有場次爆滿。
由於之前賣飛曾發生不愉快事件，所以今次個唱門票只供網上、信用卡及流動應用程式購票，並且首次推行延後取票，即係購票確認，買咗飛嘅人要帶相關信用卡，於每場演出日期前14日至演唱會當日取票。
買唔到飛嘅朋友，加油呀！
精選娛聞，喺晒《娛果》：
http://fb.com/appledailyent
