蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月12日

【又型又敢言】潮女KOM_I寫真尺度直逼AV 拒真名發展以便睇暗病

14,504
KOM_I接受《蘋果》專訪。
建立時間 (HKT): 1012 17:10

日本組合水曜日Campanella(Wednesday Campanella)深受年輕樂迷愛戴,隊中女主音KOM_I更以型格及前衛形象見稱,今晚將於九展Music Zone舉行首次香港音樂會,相信又會為樂迷帶來無限驚喜。

KOM_I向來形象性感又敢言,去年更獲日本版雜誌《VOGUE》選為年度女性,佢昨日抵港即到華納唱片接受《蘋果》專訪,係佢相隔多月再度訪港。充滿個性嘅KOM_I原來對深水埗情有獨鍾,佢表示:「上次來港曾到深水埗觀光,又到西九龍中心,還有去按摩。」上次KOM_I在深水埗一帶成功搜購古怪物品,今次也希望到當地尋找心頭好。

KOM_I與愛爾蘭藝術家打得火熱,佢曾受訪表示冇結婚打算,今次訪問時則稱:「雖然都會想結婚,但對我來說好像很遙遠的事。」對於曾跟女星二階堂富美合作炮製寫真集,KOM_I透露兩人感情要好,由二階堂擔任攝影師操刀拍全裸寫真,在埋位時都唔覺尷尬,KOM_I亦很信任二階堂,又話如果遮遮掩掩可能會影響效果,所以拍攝時決定豁出去,KOM_I更笑言裸體上陣嘅感覺猶如在拍AV。問到有沒有為自己定下裸露底線?唱而優則演嘅KOM_I說:「我都曾在幕前全裸,雖然在喜歡的人面前可能會怕醜,但為工作就完全沒有尷尬的感覺。」

KOM_I原名叫「輿美咲」,據指全日本姓輿大約只得700人,佢承認自己姓氏比較罕見,但卻不希望以真名來發展,KOM_I稱最大原因係不想睇醫生時曝露身份,無論是睇婦科抑或醫聲帶,如被發現會感到尷尬,佢笑住補充:「睇普通感冒就沒有所謂,如果是甚麼怪病就不是太好吧!」

樂壇天后椎名林檎係KOM_I最欣賞嘅女歌手之一,佢自爆最近彼此亦有見面,並反問記者:「椎名林檎(在香港)是否很出名?」佢大讚對方係一位值得尊敬嘅前輩,既勤力又很有老闆風範,原來椎名林檎曾提出雙方嘅合作計劃,但KOM_I卻不敢催促前輩,惟有順期自然。


精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載