› 選擇地區
三藩市
紐約
洛杉磯
其他美國地區
香港 台灣 北美
 
2018年10月26日

【陳果妓女三部曲】增肥40磅拍《三夫》曾美慧孜挑戰三級片

建立時間 (HKT): 1026 00:00

第31屆東京國際電影節,噚日開鑼,其中入圍競賽、由陳果執導嘅新片《三夫》,將於今晚(26日)喺電影節中舉行首映。今次呢部戲《三夫》,係陳果導演繼2000年《榴槤飄飄》、2001年《香港有個荷里活》後,「妓女三部曲」嘅最後一部。戲中女主角曾美慧孜,今日生日嘅佢為演呢個角色,不惜增肥接近40磅,戲中不乏性愛場面,故將列為三級片。

陳果導演向來捧女演員有一手,好似《榴槤飄飄》令女主角秦海璐,先後獲得金馬獎影后及新演員、金紫荊獎及電影評論學會最佳女主角。至於《香港有個荷里活》的周迅,首次以粵語對白演出,並以妓女角色入圍台灣金馬獎最佳女主角。

相隔17年,陳果推出嘅「妓女三部曲」最終回《三夫》,故事講述天生有怪病嘅小妹,每日要同男人歡好,佢被父親安排從大陸嫁來香港一名老漁民,從此靠小妹喺船上做妓女賺錢,期間小妹認識嚟幫襯嘅廢青。

飾演小妹嘅曾美慧孜(又名曾尤美),被形容為中國大陸新生代女演員。適逢今日係佢生日,噚日佢已經飛抵東京,其主演《三夫》今晚喺東京電影節舉行首映。

祖籍山東人,曾美慧孜畢業於中國傳媒大學播音主持藝術學院嘅佢,自小學習琵琶、舞蹈,高中時曾參加全國「新苗杯」主持人大賽獲全國第三名,更獲得北京廣播學院播音系免考試嘅入學資格,2003年她又參加全國青春美少女選拔大賽,並獲貴州區冠軍及全國亞軍。

曾美慧孜於2004年被導演婁燁發掘,演出當年禁片《頤和園》,該片曾入圍康城電影節。之後她又演出電影《蘋果》,與范冰冰有唔少對手戲,而該片曾入圍柏林影展,曾美慧孜更成為大陸年齡最細嘅演員,先後有作品入圍康城及柏林兩大影展。

其後曾美慧孜主演多部電影如《建國大業》、《冥王星時刻》,以及電視劇《手機》、《辣媽正傳》等。2014年她曾到紐約大學進修,今年她有份主演的《地球最後的夜晚》,入圍第71屆康城影展。

精選娛聞,喺晒《娛果》 http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載