蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月27日
馬上成為壹會員

【萬聖節系列】伍倩彤帶頭「鬼上身」 扮艷鬼分享靈異經歷

建立時間 (HKT): 1027 00:00

雖說萬聖節是西洋鬼節,但說是「扮」鬼節應更合時宜,男女老少都趁機扮惡鬼、厲鬼、嘩鬼、得意鬼,甚至是卡通人物、超級英雄。難得有機會扮艷鬼,伍倩彤、麥芷誼、湯洛晴與伍熹賢四位耀榮小花日前相約提早玩鬼妝,找來特技化妝師為她們畫花面,個個「鬼上身」瘋狂selfie,並分享她們的靈異經歷。

伍倩彤(Gillian)、麥芷誼(Koyi)、湯洛晴(Carmaney)與伍熹賢(Kate)於觀塘接受《蘋果》專訪,她們分別以「小丑女」、「黑寡婦」、「神秘女公爵」及「南瓜妹」造型現身,Gillian與Carmaney表現最雀躍,Gillian說:「有年我扮白雪公主同啲朋友去蘭桂坊,諗住可以搵到個白馬王子,點知梗係搵唔到啦。」Carmaney直指每年萬聖節是重頭戲:「我真係好鍾意扮鬼扮馬,每年都會淘寶買唔同造型嘅衫,白雪公主、小紅帽、警察、修女都有,真係好到可以借番啲衫出黎。」Koyi自爆最愛著制服,三女即起哄大叫,她說:「我真係好鍾意著制服,唔係辟好,係喜好啫。因為啲制服好靚,著咗覺得自己好專業,咁演員冇制服架嘛,我咪抄警察、護士,最鍾意就係空姐,特別有女人味,不過我好少朋友肯陪我玩。」

四女之中最可愛的Kate,沒甚扮鬼經驗,但早前拍戲便要扮鬼:「啱啱幫個網上平台拍戲扮鬼,要含住包血。」身旁的Koyi即笑她「含血噴人」,Kate說:「係呀,就係咁,真係要噴人,包血係薄荷味,但我又唔太鍾意薄荷味,含到個口都郁唔到,好彩用左兩take就拍完,但係陣味我洗咗好耐都唔甩。」問到她們喜歡男生扮咩鬼?Carmaney笑謂:「總之唔係扮型啦,我鍾意得意、幽默嗰啲。」四女都認為男生最好扮超級英雄,但首要條件是身型要似,Kate指如果身型配合不到角色會扣分,Koyi笑指:「臨時演員都係演員呀嘛,要做好個角色。」

問到她們的靈異經歷?Kate試過在內地工作時,半夜聽到有人搲水樽:「我唔敢睇,轉身就再瞓。」Gillian亦是在內地開工時,覺得房間有很不舒服的感覺:「間房好霉、好濕又好暗,最後都忍唔住換房。」Koyi早前到出名多靈異事件的泰國工作,特意帶粒玉傍身,另外仲會袋串銅錢。Gillian謂平日會帶印有觀音肖像的卡護身,感覺更心安理得:「同埋我聽過啲人話,如果見到鬼就對佢講粗口。」Carmaney將到日本參加國際小姐選舉,她說:「我好彩就冇見過鬼亦唔想見,不過都聽過入房之前要敲門,唔好打開聖經嗰啲。」

採訪:盧妹
攝影:陳俊強
拍片:馮嘉銘
化妝 : Ryan、Monkey Wong Of BullyRoad
場地:BullyRoad

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載