蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月30日

【失戀旅行團​×蘋果(精華版上)】前度秘婚玩失蹤 扮抑鬱其實另結新歡

119,368
建立時間 (HKT): 1030 15:00

【失戀旅行團​×蘋果(精華版下)】賣走遺物斬情傷 最後任務:Last Call to EX
http://bit.ly/2SrMkhT

相關新聞:【失戀旅行團​×蘋果】打泰拳等於俾狗公X? 拍拖7年新娘竟然不是我!

失戀旅行團(BreakUp Tour)五日四夜東京之行已經圓滿結束,《蘋果動新聞》全程直擊四位失戀團友悲喜交集之旅,究竟短短五日,係咪真係可以令佢哋走出情傷,重新出發呢?

失戀旅行團由Secret Tour聯同沈旭暉創辦嘅GLOs舉辦,目的係想幫失戀嘅人擺脫傷痛,重新出發!大會揀咗四位參加者,兩男兩女,安排好機票、住宿及部份行程,畀佢哋展開個人散心之旅。

相關新聞:【失戀旅行團​×蘋果(精華版下)】賣走遺物斬情傷 最後任務:Last Call to EX

四位失戀團友嘅傷心故事,講一次,喊一次,被傷得幾深可想而知。

Vincci(26歲)同男朋友分手五個月,最hurt嘅竟然係一個分手理由,「佢話自己有心理障礙,即係俗稱嘅抑鬱,話怕會拖累我所以分手。」以為愛人出事,為佢擔心,為佢憂愁,點知背後真正分手原因,竟然係另結新歡!

Yumi(22歲)同前度分手兩年,兩年仍然放唔低,仍然每次講起都傷心落淚,只係因為前度嘅離開太刻骨銘心,「我哋喺網上認識,一齊咗一段時間,發現佢背後有另一個女仔喺度。」Yumi明知呢段關係唔會長久,但係付出咗感情又收唔返,就睇下邊個首先提出分手。結果前度選擇玩失蹤,話去外國過年,從此音訊全無,Yumi後嚟先知,前度喺外國結咗婚。

Don(24歲)分享咗一個初戀故事,係最令人刻骨銘心嘅初戀,搞到佢同男友分開咗十個月,仍然難以放低,「前度覺得大家喺生活或工作上都唔同步,所以提出分手。」Don以為唔同步,可以努力上進,盡力挽回,可惜一切只係藉口,「前度有次入院,我話想去探佢,佢話唔方便,因為已經有另一半喺度。」嗰刻Don完全崩潰,除咗喊,就只有喊。

網絡藝人霍哥(29歲)都主動參加失戀旅行團,話畀八年前同大學女友分手嘅經歷一直纏繞,呢八年間佢照樣有拍拖,但係始終搵唔返八年前嘅戀愛感覺,究竟咩事令佢放唔低,甚至影響今時今日只係拍散拖?四位失戀團友又喺五日四夜間經歷咗啲咩?即刻去片。

主辦單位:Secret Tour ​× GLOs(BreakUp Tour)
活動詳情: https://www.facebook.com/breakuptour/

旁白:阿仙
撰稿:阿仙、由由
攝影:馮峰、馮燊明、阿仙、由由
後期:馮燊明
視覺設計:Cammie
編審:阿仙
編導:馮燊明
監製:阿仙

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載