蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月30日

【失戀旅行團​×蘋果(番外篇)】揭人瘡疤賣廣告? Stephen×沈旭暉:倒貼就真

7,984
建立時間 (HKT): 1030 15:02

失戀旅行團(BreakUp Tour)由Secret Tour聯同GLOs舉辦,選出四位失戀朋友,參加上月底舉行嘅五日四夜東京之旅,希望幫失戀團友走出情傷,重新出發。

相關新聞:【失戀旅行團​×蘋果】打泰拳等於俾狗公X? 拍拖7年新娘竟然不是我!

Secret Tour Creative Partner Stephen Chung同GLOs創辦人沈旭暉係皇仁師兄弟,Stephen笑言除咗呢點,佢哋就無共通點,「其實我哋幾極端,我做廣告,佢講國際關係,我比較貼地,佢就出名離地,不過crossover又睇下有咩唔同作風咁囉!」沈旭暉直言,「合作係想自己貼地啲!」

Stephen話有次睇到facebook一個調查,發現啱啱失戀嘅人,去活動或者消費能力都比一般人高25%,「好似冇一啲廣告專target失戀嘅人,咁不如做啲同失戀有關嘅事啦!」沈旭暉就話,「我只係根據身邊朋友統計,每次大家失戀都鍾意國際關係,因為要去旅行散心,咁我諗呢個係有趣嘅crossover。」

相關新聞:【失戀旅行團​×蘋果(精華版上)】前度秘婚玩失蹤 扮抑鬱其實另結新歡

Stephen認為失戀旅行團做到幾個治療功能,第一,分享,「每個人處理分手嘅方法都唔同,不過大部份都鍾意講出嚟。」第二,產生認同感,「團友會發現唔係得自己一個失戀,有人係一齊經歷緊,可以互相安慰。」第三,旅行散心,「失戀通常想去旅行,暫時同本身嘅社交圈子分開,所以失戀旅行團係有晒以上功能。」

不過都有人話,呢個團係揭人瘡疤賣廣告賺錢,Stephen就反駁話其實連工作人員出trip使費都要倒貼,「人生好多嘢都冇錢賺,又要倒貼,不過呢一刻唔係賺錢,唔代表以後唔用嚟賺錢,但係我哋揀贊助品牌嘅時候,都好謹慎。」Stephen話每一個品牌都有一個角色,最緊要係可以幫到參加者療傷,亦強調唔會迫參加者做任何嘢,大會做嘅嘢都係希望幫到參加者Get Over同Move On。

總會有人誤會失戀旅行團係咪Speed Dating?Stephen就話暫時唔會加入「失戀即戀」呢個元素,「失戀第一步最緊要係修身,如果未準備好就投入下一段戀情就太急,失戀旅行團係要話畀大家知,呢個世界好大,有唔同國家、唔同嘅人可以見識,唔一定要過以前嘅生活方法。」

沈旭暉期望未來再搞失戀旅行團,可以加入更多國際關係嘅元素,「例如去日本會安排比較認真嘅講座,o依家唔講出嚟住,怕嚇走人,等啲人參加咗,中咗伏之後就會感受到,其實都係國際關係嚟嘅!」先貼地,後離地,或者就係Stephen×沈旭暉嘅新作風!

主辦單位:Secret Tour ​× GLOs(BreakUp Tour)
活動詳情: https://www.facebook.com/breakuptour/

旁白:阿仙
撰稿:阿仙、由由
攝影:馮峰、馮燊明、阿仙、由由
後期:馮燊明
視覺設計:Cammie
編審:阿仙
編導:馮燊明
監製:阿仙

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載