蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月03日

【開騷出碟】全民造星組成12人組合《Mirror》 獨欠十強肥仔

19,432
攝影:陳俊強
建立時間 (HKT): 1103 17:11

ViuTV全民造星選舉落幕後,一班造星成員有新進展,打造成十二人組合《Mirror》闖樂壇,今日在鑽石山舉行誕生記者會以及簽名會,同300位Fans簽名,名額先到先得,一套閃卡12張,場外早已逼爆Fans。

十二位隊員包括姜濤、楊樂文(Lokman)、陳卓賢(Ian)、江熚生(Anson Kong)、王智德(Alton)、盧瀚霆(Anson Lo)、呂爵安(Eden)、陳瑞輝(Frankie)、楊柳廷(Jer)、李駿傑(Jeremy)、邱士縉(Stanley)、邱傲然(Tiger),12位正式賣身Viu TV。名單中獨欠早前十強成員細貓、肥仔、龍志權。

大會公佈組合將於12月21日在Star Hall舉行《2018 THE FIRST MIRROR LIVE CONCERT》演唱會,組合由監製花姐做經理人,Lokman則做隊長,一向最受歡迎嘅姜濤冇得做隊長,佢喺台上話:「Lokman公認經驗最多,每個人都夾到,隊長呢個位最啱佢做。」組合即時獻唱一曲《一秒間》。期間Edan更爆大家參選時有潛規則,就係唔准un腳同講粗口,要罰50元。

呢個組合誕生由監製花姐一手打造,在節目60集以來一直搵緊心目中人選,至於點解冇肥仔、細貓、龍志權?佢解釋話:「肥仔入行唔係只得呢一條路,有更適合安排畀佢,肥仔係好嘢嚟,發揮機會好大,細貓有合約在身,冇可能要人哋解約,我哋大門隨時為佢而開,龍志權本身100毛,唔係唱歌跳舞,適合做主持多啲。」揀Lokman做隊長,花姐話係由委員一致決定,並稱讚Lokman有召集魅力,只要班男仔走在一起,個個都會聽佢話。

演唱會要賣飛即見真章,花姐話:「公司都有問呢個時候,做演唱會出歌驚唔驚賺唔到錢,但係我哋唔講錢,因為好多fans我哋都欠咗佢哋,之前個騷冇得睇,今次畀返個機會大家可以睇到佢哋演出,主題係答謝。」而今次演唱會個期係林欣彤因聲帶受損開唔到演唱會個期,花姐話:「係呀,原本我哋唔係呢個期,但收到通知有呢個日子,比之前個期好好多。」並預計下年會為組合出碟。

12人的運作對Lokman話:「運行得幾好,排舞好開心,大家期待嚟緊演唱會,我哋都鍾意唱歌跳舞。」至於有咩環節,佢哋話仍然構思中。真正賣飛演唱會,Lokman講笑話:「我哋冇壓力,花姐有壓力之嘛。」初出道就做演唱會,佢哋話大家一齊玩咗半年,又開始到依家都好有默契。

不過12人去經營賺錢,收入難以確保,Anson Kong話:「我哋唔係向錢看,參加比賽到依家都係想做自己想做嘅嘢,未來都有機會分開做嘢,我哋會珍惜機會。」至於Edan爆潛規則罰款,佢話:「都好有阻嚇性,我都係唔好講咁多嘢好啲。」

Lokman之前本身都有經理人合約,佢話已經完結,12位簽咗畀ViuTV幾耐? Lokman話:「你哋想見到我哋幾耐就幾耐,希望長做長有啦。」Anson Kong話:「我哋約長定短depends on大家鍾唔鍾意我哋。」而嚟緊佢哋亦都會拍劇同做節目,花姐就話:「呢幾年大家都會見到Mirror。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載