蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月08日

【張馨月「峯宅」晒命】未獲富三代男友認愛 傳吳千語想翻撻林峯被拒

564,254
建立時間 (HKT): 1108 13:14

林峯同「七愛」吳千語,五年情玩完,今年3月分咗手,轉頭千語被爆與全國政協施子青長孫施伯雄Brian拍拖,而林峯亦好快戀上大陸o靚模張馨月,各自搵到另一伴。今日有周刊指千語不獲Brian認愛,又想翻撻林峯,但已經有新歡嘅林峯,堅拒翻撻。

報導指上月尾25歲生日嘅千語,富三代嘅男友Brian卻冇影,雖然二人曾蜜遊歐洲,但一直未被男方承認女友身份,故此一直唔敢高調晒愛,還要慳家坐經濟客位。更有指千語喺微博不時轉帖有關愛情嘅文章,其中一篇文章講一對戀人分手後,其中一人想重新開始,可惜一切已成定局。尤其文中其中一句,「我錯過你了,你也錯過最好的我了。」有指千語明示與暗示想翻撻林峯。

報導指千語當年同林峯拍拖時,性格自我只想獨霸男友,唔理其他人。相反張馨月順得人又好識氹人,又對林峯千依百順,甚得林峯寵愛。而且張馨月跟林峯堂妹林夏薇、契姐周勵淇好合得來,令二人感情一日千里,林峯早已帶女友返廈門見家人,到今年9月林峯更出席張馨月胞弟嘅婚禮,雙方早已經一家親。

至於想翻撻嘅千語,以前同林峯拍拖時就唔使憂,但近月佢要靠自己,出入坐的士,而一直瘦到似火柴人嘅千語,要增肥兼放風想接多啲工作。相反林峯寵愛嘅新歡張馨月,不時晒闊太生活。

精選娛聞,喺晒《娛果》 http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載