蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月08日

【「唔知有冇奶」】樂基兒有意水中生B 笑對被黎明無視

140,806
建立時間 (HKT): 1108 21:00

《蘋果》日前率先爆樂基兒(Gaile)同老公lan造人成功,Gaile今晚首度現身公開活動,喺中環出席時裝品牌活動。心情靚靚嘅Gaile,今晚選咗一條白色連身短裙襯兩寸高Boot現身,更應傳媒要求,做心形手勢放喺肚皮上讓記者拍照,祝酒儀式則以水代酒。

Gaile喺台上被司儀問到懷孕心情時,佢表示依家好開心,但有少少緊張,始於第一次懷孕,但會一步步嚟,唔會諗太多。

Gaile接受傳媒訪問時,被問想生囝囝定囡囡?佢就話想生女:「囡囡可以幫佢化妝扮靚,不過老公冇所謂。(老公冇乜獎勵?)佢好支持我呀,又成日陪我睇醫生,精神上支持係最重要。」知道BB性別未?佢話下星期會知道。Gaile又謂:「我哋暑假開始努力,所以今次懷孕唔係意外,依家係4個月,預產期明年4月尾,係復活節BB。」

問Gaile有冇妊娠不適?佢就話都冇乜嘔,只係初初有少少,但體重就上升咗2.5kg,同埋覺得自己好似老咗。至於打算香港生還是美國生?同埋會唔會順產?Gaile話仲未決定邊度生:「我有睇啲video,都想喺水中生,好似舒服啲,有人同你按摩,但自己想法成日變。」

多年前Gaile公開承認隆胸,然後又再「拆彈」,問Gaile知唔知會唔會影響餵母乳時,佢話呢啲係好多年前嘅事,依家科學咁先進,唔怕影響,又笑言:「都唔知有冇奶。」

講到近期嘅工作,會唔會因為陀B停工?Gaile就話佢呢排好忙,自己嘅cook book下個星期就出,好多嘢做,但好彩可以喺屋企做。

今日Leon出席活動,對記者問及關於前妻(Gaile)懷孕一事充耳不聞(新聞連結: https://bit.ly/2qxS78I  )對此Gaile輕鬆地謂:「That's OK! 唔可以expect人解答人哋嘅嘢!」

講到Leon都生女,問佢會唔會搵佢交流下?Gaile就話自己之前上咗一個產前護理課程,嚟緊會出呢方面書,好多自己決定。佢仲話:「自己有兩個no,家長之間唔好比較,要信自己嗰套;唔好問人太多意見,可以問對鞋喺邊度買,但唔好問點湊大BB,要靠自己。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載