蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月09日

【失戀旅行團​×蘋果(2)】錐心之痛!Don難忘初戀回憶 走唔出前度影子

18,366
建立時間 (HKT): 1109 00:03

由Secret Tour ​× GLOs舉辦嘅失戀旅行團(BreakUp Tour)五日四夜東京之旅,請四位失戀團友Don(24歲)、Vincci(26歲)、霍哥(29歲)和Yumi(22歲)去旅行,各自散心。上一集睇完Vincci不滿被前度欺騙,今集睇下令人最心痛嘅Don。

相關新聞:【失戀旅行團​×蘋果】打泰拳等於俾狗公X? 拍拖7年新娘竟然不是我!

失戀旅行團拯救員Isa特別心痛怕羞仔Don,因為Don喺面試嗰陣,提到初戀前男友,即使分開十個月,仍然喊到抽搐講唔到嘢,就好希望可以幫到佢。睇靚景或者可以治療心靈,Don揀咗大會安排嘅其中一個行程,去六本目森美術館52樓展望台睇東京全景。Don話同前度都有試過喺香港睇夜景,「會同自己鍾意嘅人去睇夜景,係一件好浪漫嘅事。」

喺展望台,Don拎出腳架自拍,佢話係前度教佢,一諗到而家形單隻影都忍唔住喊,「唔開心係因為嚟自於開心,係因為...所有嘢都太開心。」

相關新聞:【失戀旅行團​×蘋果(精華版上)】前度秘婚玩失蹤 扮抑鬱其實另結新歡

回憶返同前度嘅相戀時光,Don曾經親手整過一個木相架,送畀對方做生日禮物,當時餐廳隔離枱嘅人睇到都話好靚要借嚟睇,「當時唔介意同人分享呢段關係,因為覺得係一件好開心嘅事!」Don嗰陣仲好單純咁諗,「希望佢係我嘅第一個,亦都係最後一個。」可惜,Don同前度因為喺生活同工作上未能同步,最後Don被分手。失戀旅行團團長Sammi認為Don難以釋懷,係因為怪緊自己,「佢有一個心結係覺得當初自己表現唔夠好。」

Don雖然懷念同前度拍拖嘅時光,但覺得失戀經歷令佢識得感恩,感恩屋企人同朋友都好關心佢,「我唔係自己一個,仲係有人會愛我,所以仲要相信愛。」雖然傷痛需要時間療癒,但相信阿Don會成長,重新企返起身,因為每個人都值得擁有一個更值得你愛嘅人。

相信愛情會來臨嘅仲有失戀團友Yumi,佢前度失蹤兼秘婚,做成佢難以磨滅嘅失戀傷痛。下一集我哋睇Yumi重遊傷心地日本淺草,踏上重拾戀愛信心嘅祈福之路。

主辦單位:Secret Tour ​× GLOs(BreakUp Tour)
活動詳情: https://www.facebook.com/breakuptour/

旁白:阿仙
撰稿:阿仙、由由
攝影:馮峰、馮燊明、阿仙、由由
後期:馮燊明、Stewood
視覺設計:Cammie
編審:阿仙
編導:馮燊明
監製:阿仙

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載