蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月09日

【張曦雯貼黑白相】死完老婆死情人《跳躍生命線》馬神係天煞孤星?

142,393
建立時間 (HKT): 1109 13:45

噚晚套大台劇《跳躍生命線》,講到馬神馬德鐘演嘅在哥(麥在田),向飾演阿Man嘅張曦雯表白,叫對方留底喺佢身邊,仲講埋句好骨痺嘅對白︰「我是命中注定要從你的世界路過。」可惜表白完,阿Man決定留底之際,就遇車禍,唔通在哥真係天煞孤星?

阿Man死唔死今晚大結局先知,但大台上載咗一條「內有劇透,慎入」大結局搶先睇嘅預告片。片中又提番第一集時,演在哥老婆嘅李佳芯,遇車禍死咗;到尾二個集講到在哥搵到第二春,又講阿Man遇車禍,夠晒首尾呼應。阿Man死唔死得仲未知,但唔少網民留言鬧爆個編劇,使唔使咁殘忍。

網民留言謂︰「馬神得罪了編劇?」、「最應該死嘅係編劇」、「唔要你BBQ時你就BBQ,依家想你BBQ時你就…」、「得,明晒,導演真係黑心。」等。不過呢段片嘅片尾,就留咗一句︰「結局,有無人可以改寫?」

不過張曦雯噚晚喺ig貼咗一張同馬神嘅合照,仲要係黑白相(轉黑白相嘅嘢,梗係請教張寶兒啦…)唔通暗示佢會死?

至於呢套劇,都死咗幾多人,首集就死咗在哥老婆李佳芯,之後輪到陳榮峻兩公婆,就連演救護員「雄姐」嘅張彥博都因工殉職,仲有馬神救唔番遇溺嘅細路,搞到被投訴,而飾演細路老竇嘅曾偉權,因為死咗個仔,老婆又遇車禍,萬念俱灰之下,喺在哥屋企拮大髀自殺而死。死咗之後,劇情仲安排馬神返屋企清理血跡……咦,警方咁快解封?仲有網民cap圖加設計對白:「搞到我屋企變凶宅,扣你50分!」啱啱先sad完依家爭啲變鯨魚。

加埋之前羅蘭姐演嘅愛姐,因肺癌離世,仲有馬神遇返撞死李佳芯嘅司機林茂祥,因為吸入過量嗎啡而中毒昏迷,最後都係死,就咁數都起碼死咗9個。

精選娛聞,喺晒《娛果》 http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載