蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月09日

【追思藍潔瑛】親人仍未上樓收拾遺物 互委會主席:房署搵人裝過香

124,272
建立時間 (HKT): 1109 16:08

「靚絕五台山」的藍潔瑛日前被發現在赤柱馬坑邨寓所猝逝,終年55歲,藍潔瑛的追思彌撒今晚在赤柱天主教聖亞納堂舉行,藍潔瑛生前位於赤柱馬坑邨良馬樓的寓所,警方昨日已拆走封條(新聞連結: https://bit.ly/2AWcsdR )。

互助委員會主席古先生今日接受《蘋果》訪問,他表示目前等待藍潔瑛的親人認領遺物,他說:「警方調查完就解封,將間屋交番俾房屋署,佢哋早幾日搵人裝過香,一來辟味,二來等大家都心安理得。」

問到是否已經聯絡了她的親人?古先生說:「唔知,佢哋唔會同我哋講,但係噚日聽講過就冇。」再問會否有居民發起做儀式?他說:「冇㗎,亦都冇人講過,睇吓古天樂會唔會幫佢搞身後事,但係佢啲鄰居都冇乜嘢。」

古先生續道:「以前佢成日擔住口煙鬧人,不過佢冇咗個肚之後(指切除子宮生良性瘤),返嚟我哋都覺得好出奇,係兩個人嚟。呢兩年成個人都唔同咗,鄰居對佢好好,而佢又同啲細路仔玩得好開心。我都覺得好開心。」

「有啲嘢係冥冥中有安排,以前我唔係幾夠膽同佢打招呼,真心嗰句,我唔知佢個人係點樣,當時佢精神有問題,唔多適宜接觸。二來如果佢痴住要同我傾偈,我邊有咁多時間?」

言談間古先生還說:「佢早幾年搬嚟,房屋署已經通知咗我,話藍潔瑛會嚟呢度住。咁多座仲任佢揀,佢就揀中我呢座(良馬樓),當時我唔知道佢有呢啲病淒涼。」


精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載