蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月09日

【追思藍潔瑛】閨密鄧萃雯送別好姊妹:我知佢去咗邊度,第時可以見得番

143,162
最後更新: 1109 21:36 / 建立時間 (HKT): 1109 19:35

(新增內容)

今晚在天主教聖亞納堂,舉行藍潔瑛追思彌撒,不少圈中人送上花圈外,亦有她生前圈中好友到場,包括好姊妹鄧萃雯、陳美琪,及在劇集《大時代》中合作過的「丁家四蟹」中的陶大宇、張衞健、前新聞主播李家文等。

陶大宇晚上約7時25分到達教堂,他一身黑衫黑褲,並手執一束白色玫瑰花。之後仲有藍潔瑛身前好姊妹鄧萃雯,雯女一身黑衫,走入教堂後,陶大宇與她一齊入坐,現場儀式開始,誦讀玫瑰經。

張衞健約於晚上7時45分一身黑素服抵達,佢受訪時簡短表示:「自己同Yammie唔熟,主要大家都係天主教徒,上星期有一位上海神父,睇到消息,知道佢係教友同獨居,唔知有冇人幫佢處理身後事,佢同我講起,因為我同佢唔熟,之後我打過俾香港區副主教陳志明通電話,希望搵到佢屋企人,希望話俾佢家人聽,香港天主教區願意幫手處理身後事,包括舉行追思彌撒、將骨灰安放天主教墳場等,原來同時間,藍潔瑛家人亦聯絡上香港天主教區,今日都係嚟致意。」

藍潔瑛生前,與同期訓練班同學兼好姊妹曾華倩及鄧萃雯成為閨密,三人十分友好,經常互去對方家中過夜。曾華倩對於藍潔瑛離世,早前曾在社交網留言:「突然....心痛....可惜!願藍小姐在另外一個空間,找到真正的快樂和心靈健康!做得你朋友就要尊重你,從不喜歡朋友在背後,說起你的一點一滴。我尊重你,所以,你安心走吧!永遠懷念你的我,你我在心中!一路好走!」

追思彌撒於晚上九點左右完成,鄧萃雯於側門離開時受訪:「為佢感到安慰,知道佢去咗邊度,第時可以見得番。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載