蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月09日

【唔使喊】阿Man心跳停頓都救得番《跳躍生命線》最尾有彩蛋

200,789
建立時間 (HKT): 1109 22:45

大台《跳躍生命線》今晚播大結局,好多觀眾都關心馬神馬德鐘飾演在哥同張曦雯飾演阿Man究竟可唔可以有情人終成眷屬。

預告片中,遇上車禍嘅阿Man被白布遮蓋,在哥喊得好淒慘。阿Man嘅心跳一度停頓,咁點樣救得番?原來係因為在哥上咗天台,用盡力氣不停鬧個天﹕「佢哋(太太同情人)有咩做錯,我有咩做錯,因為我成日同你作對,你要帶走嘅人畀我救番,你要報復,所以要將我最愛嘅人都帶走?!」在哥話自己只係救護員,冇權操控他人生死,只係盡職責救番每一條生命,之後好巧合地遇上受重傷嘅逃犯,在哥又再一次出手救人........。

好人有好報啦,阿Man最後都有番心跳,原因為佢遇上拉撒路綜合症,胸腔積存壓力,放返出嚟就可以重啟心跳。最後當然同其他大台劇集一樣大團圓結局,個個雙雙對對,包括何廣沛與劉佩玥,陳瀅與羅天宇,仲有張文慈配區瑞偉,連李成昌同謝雪心呢對過氣夫妻都可以和好如初!

一直在劇中穿插出現嘅魯賓遜(張國強飾)亦有現身交待當年佢執到在哥前妻,即李佳芯飾演章蕙芯嘅骨灰鑽石去向,原來一早已交到阿Man手上,緣份早註定。而患上認知障礙症嘅魯賓遜突然記番原來自己有個老婆,自責點解會忘記呢件事,幸得到在哥等救護員安慰。至於羅蘭飾演愛姐雖然患上末期肺癌,但好豁達,穿上壽衣交待身後事,揚言要死後捐出眼角膜,遺愛人間,帶出正面訊息。

最後仲有彩蛋,鄭子誠用佢最磁性嘅聲音,講出救護員嘅心聲兼且人生哲理:「生命有限,依然要笑容燦爛,曾經相伴忘形,築起情感,喺柴米油鹽裡活出平凡是福,人海中你並非孤單一人,會有人默默守候呢個人,可以係我,可以係你,生命並唔係一條線,而係一個圓。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載