蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月10日
馬上成為壹會員

【Clockenflap】歌迷高呼恐懼中國政府 Jarvis Cocker:如果認同你,有可能返唔到屋企吧!

建立時間 (HKT): 1110 20:30

年度大型戶外音樂節Clockenflap喺到第二日嘅晚上,重頭戲當然係英國樂隊Pulp前主音Jarvis Cocker嘅演出,李健宏(KB)今晚就陪外籍朋友到場,問KB今晚嚟支持邊個單位?佢話:「今晚主要係陪朋友嚟,聽晚我會再黎睇Roni Size,係DJ嚟,由細鍾意到佢大㗎啦。」

相關新聞:【Clockenflap】露腰歐鎧淳拖實胡子彤隊啤 拍拖睇日本Band全程high爆

Mr.樂隊成員MJ都有到場,佢話黎咗Clockenflap好多年:「除左頒獎禮,呢度係見到最多圈中人嘅地方,我今晚黎睇Jarvis Cocker,好期待。」而張繼聰同老婆謝安琪仲帶埋仔女以一身全黑現身,雖然見到傳媒都有少少愕然,不過就好大方咁一家四口齊齊影相,張繼聰仲叫囡囡同傳媒揮手,之後就趕住入場睇騷啦。

萬眾期待嘅Jarvis Cocker準時晚上7點15分現身,吸引約2,000名樂迷圍觀。一身西裝打扮嘅佢,拎住塊鏡、背住台下觀眾現身,隨住節奏擺動身體,表現high爆。Jarvis以英語同觀眾打招呼:「Good evening Hong Kong, my name is Jarvis.(晚上好香港觀眾,我係Jarvis。)」然後唱出《Further Complications》,唱到副歌「Why don't you follow me?」嗰陣,台下嘅樂迷跟住大合唱,氣氛甚好。

相關新聞:【Clockenflap】甩繩馬騮周圍跑 張繼聰囡囡紮紮跳勁得意

Jarvis以英文話:「這次是我首次來香港,請對我們好一點,當然你們已經對我們很好。Jarvis接著要唱的歌,很有教育意義,我們正考慮為它出教科書,這首歌叫《Must I evolve?》。」跟住Jarvis就用廣東話翻譯歌名:「我要進化。」全場勁high。之後佢就介紹自己曾經喺樂隊Pulp入面,仲獻唱Pulp嘅經典歌之一《His and Hers》,唱到中段,Jarvis仲坐喺台邊同觀眾作近距離。

Jarvis主動捉住歌迷隻手,問佢哋有咩令你恐懼。有個樂迷話係工作,Jarvis即好鬼馬咁叫佢要搵份自己真係鍾意做嘅工。之後有歌迷好大聲咁話自己最驚「China Government」,Jarvis聽到即望一望後面嘅band再幽默話:「如果我認同你,有可能返唔到屋企吧!(笑聲),但我想講言論自由真的很重要,而我也尊重你表達自己意見嘅自由。」

Jarvis有咁嘅反應都唔係空穴來風,最近幾星期,先後計有香港外國記者會(FCC)副主席、《金融時報》亞洲新聞編輯馬凱(Victor Mallet)不獲特區政府續發工作簽證,再以遊客身份來港時,被拒絕入境香港;另外又有中國異見作家馬建主講的「香港國際文學節」講座租場風波,由拒絕租場獲大館轉軚提供場地。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載