蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月13日

【失戀旅行團​×蘋果(3)】新娘不是我系列 Yumi:我冇資格要求任何嘢

122,954
建立時間 (HKT): 1113 00:03

由Secret Tour ​× GLOs舉辦嘅失戀旅行團(BreakUp Tour)五日四夜東京之旅,請四位失戀團友Don(24歲)、Vincci(26歲)、霍哥(29歲)和Yumi(22歲)去旅行,各自散心。上兩集分別睇完Vincci不滿被前度欺騙、Don走唔出初戀前男友影子,今集睇下連想愛一個人都無資格嘅Yumi,回到傷心地日本淺草祈福,重拾戀愛信心。

相關新聞:【失戀旅行團​×蘋果】打泰拳等於俾狗公X? 拍拖7年新娘竟然不是我!

有幾傷心係因為曾經有幾開心,憶起呢段逝去感情,Yumi仍然回味,「冬天佢知道我咳唔舒服,佢會突然同我講話喺我樓下,就係為咗畀一支野葛菜水我,我最鍾意係佢可以掌握到我諗乜野。」以為終於遇到命中注定嘅人,原來一切都只係美好幻象。

一段日子之後,Yumi無奈發現自己係第三者,「原來佢背後有另一個女仔喺度,女方同佢屋企人同埋佢嘅事業上有牽連;佢話假如要同我一齊,佢要捨棄哂所有嘅嘢......我都無呢個膽量、資格去要求佢為我捨棄所有嘢,因為當時我真係乜都無。」表面冷靜堅強嘅Yumi,那顆破碎了的心再撐唔住,淚崩於人前。失戀旅行團拯救員Isa第一次接觸Yumi,覺得佢有種無法釋懷嘅執着同唔甘心,所以希望Breakup Tour可以幫佢放低心中嘅鬱結。

相關新聞:【失戀旅行團​×蘋果(精華版上)】前度秘婚玩失蹤 扮抑鬱其實另結新歡

要真正放低,有時候必須要勇敢面對過去。Yumi第一日嘅行程,決定着住和服重遊傷心地日本淺草,分別去到今戶神社同淺草寺祈福,「第一次自己去旅行嘅地方就係日本,我知道佢無辦法陪我過聖誕,所以我唔想留喺香港;上次係好多唔開心,好多負面情緒,覺得好孤獨。」

問Yumi呢段感情最受傷嘅原因,原來係因為前度突然失蹤,「某一年新年佢話要同父母去外國過年,之後就音訊全無,原來佢爹哋媽咪要求佢要喺嗰邊結婚;我知道呢段感情唔會行得遠,但佢最後選擇用咁樣嘅方式離開,我諗係最傷心。」傾盡全力不顧一切去愛,卻換唔到最少嘅一個交代。

雖然前度失蹤兼秘婚令Yumi心碎,但佢對愛情仍然有盼望,「想祈求幸福,好難要求神明完全保佑成個人生係無波折,但希望順逆境都可以度過。」帶住獅子座女生一點點正能量,相信Yumi可以忘記過去,走出傷痛,勇敢迎接下一段戀愛。想忘記過去嘅仲有失戀團友霍哥,下一集睇吓「失戀黑執士」霍哥,點解會對一段八年前嘅感情仍然念念不忘。

主辦單位:Secret Tour ​× GLOs(BreakUp Tour)
活動詳情: https://www.facebook.com/breakuptour/

旁白:阿仙
撰稿:阿仙、由由
攝影:馮峰、馮燊明、阿仙、由由
後期:馮燊明
視覺設計:Cammie
編審:阿仙
編導:馮燊明
監製:阿仙

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載