› 選擇地區
三藩市
紐約
洛杉磯
其他美國地區
香港 台灣 北美
 
2018年11月15日

【好招積】羅霖帶愛犬Creamy 坐私人飛機遊大阪

建立時間 (HKT): 1115 13:56

寵物就好似主人仔女,最好黐住帶埋佢出遊。

羅霖就夢想成真,噚日帶咗一歲愛犬Creamy去大阪,佢今日喺社交網貼咗相分享,除有佢同Creamy一齊坐私人飛機照片,仲有佢哋一齊去「濕平」。羅霖抱住Creamy坐私人飛機,佢仲畀Creamy望出窗外,睇上高空情況,Creamy顯得非常好奇,羅霖仲抱埋Creamy參觀駕駛艙,兩母女一齊同機師打招呼。

羅霖到埗即入住一間招待寵物嘅溫泉酒店,佢哋一齊嘆世界。經過一晚休息叉電,佢哋食完早餐,羅霖今日就借用手推車,推住Creamy出去商場購物,Creamy表現興奮。

羅霖今日接受《蘋果》電話訪問,佢話:「一直好希望帶Creamy去旅行,呢次終於有機會,我哋一齊參加寵物旅行團,今次我哋嘅私人飛機,乘客同狗可坐14個,行程有大狗細狗,每隻狗只要五、六個月前驗血打針,將所有資料交畀日本衞生局審批,我哋落咗機,帶住狗狗入境仲有專線,行李過關又好順利,機艙又唔怕凍親Creamy,佢哋都會獲派餐,食物係因應狗仔口味,Creamy平時喺屋企食得好斯文,可能飛機餐好好味,佢食到冇晒儀態。」

羅霖仲話Creamy旅程中好開心,佢話:「Creamy一啲都唔驚,佢啱啱一歲,但全程好淡定,佢喺機艙見大狗唔驚,乜人抱佢都可以,仲任人摸,任人抱,佢喺車上周圍望嘢好開心,今次龍物旅遊,行程主要去郊外多啲,我同囝囝嚟玩就主打巿區,方便食嘢同shopping,但今次Creamy去郊遊好開心,佢先係主角。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載