蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月16日

【失戀旅行團​×蘋果(4)】霍哥Cosplay黑執事 自卑感令愛情失意

9,557
建立時間 (HKT): 1116 00:02

由Secret Tour ​× GLOs舉辦嘅失戀旅行團(BreakUp Tour)五日四夜東京之旅,請四位失戀團友Don(24歲)、Vincci(26歲)、霍哥(29歲)和Yumi(22歲)去旅行,各自散心。當中三位失戀主角嘅足本版故事已經出爐,引爆網民熱論。而早前精華版一出,唔少觀眾嘅焦點都落喺微辣網絡藝人霍哥度,事關佢嘅自選行程揀咗去秋葉原Cosplay,造型刺激到網民「硬」晒.....講緊個拳頭呀!到底霍哥扮咩造型激到人人咁嬲?今集足本版,睇你頂唔頂到睇到最尾!

相關新聞:【失戀旅行團​×蘋果】打泰拳等於俾狗公X? 拍拖7年新娘竟然不是我!

講起擁有一米九以上傲人身高嘅霍哥,佢係澳門微辣 (Manner) 旗下嘅皇牌搞笑藝人之一,因為冷面沉穩嘅外形配搞笑演繹形成有趣反差,拍攝嘅搞笑短片更以「淫霍」形象成功出位,喺Facebook已累積7萬幾followers,甚至去到日本街頭都有唔少粉絲認得佢,搵佢selfie,認真受歡迎!咁有幽默感嘅霍哥都會失戀?

作為搞笑藝人嘅霍哥因為工作關係,只會呈現開心嘅一面畀觀眾,其實有時都係對人歡笑背人愁。原來多年前一場電單車車禍令霍哥側副韌帶、十字韌帶撕裂變成「跛佬霍」,佢亦從此唔可以再做劇烈運動。呢件事嚴重打擊霍哥自信心,亦影響佢八年前大學時期嘅一段感情,因為唔敢追回女方而無疾而終,「分咗手之後啲公子哥兒又BENZ又盛日日停喺校門等佢,我就自己一個揸緊電單車返學,後悔自己自卑唔夠膽同人拗手瓜追番佢。」

相關新聞:【失戀旅行團​×蘋果(精華版上)】前度秘婚玩失蹤 扮抑鬱其實另結新歡

霍哥習慣用搞笑嚟掩飾內心嘅悲傷,以為用輕鬆方法面對唔開心嘅事,就等於放得低,事實係呢段八年前嘅感情,至今仍然令佢最難忘,「最放唔低係同佢一齊相處嘅時光,因為讀大學係最無憂無慮嘅時候,我唯一同佢做嘅就係拍拖、拍拖同拍拖。」因為年輕嘅無憂無慮,成就最浪漫嘅戀愛,成就我們單純的小美好。

呢段單純甜蜜嘅感情僅維繫九個月,已經係霍哥拍拖最長嘅一次,亦因為仲未完全放低,令佢失去經營一段感情嘅信心,至今已單身兩年。今次參加失戀旅行團,霍哥希望重燃追求愛情嘅感覺,大家一齊為霍哥集氣!

下一集睇吓大會搵嚟Fashion Designer點幫四位失戀團友變裝,煥然一新,重新出發!

主辦單位:Secret Tour ​× GLOs(BreakUp Tour)
活動詳情: https://www.facebook.com/breakuptour/

旁白:阿仙
撰稿:阿仙、由由
攝影:馮峰、馮燊明、阿仙、由由
後期:馮燊明、Stewood
視覺設計:Cammie
編審:阿仙
編導:馮燊明
監製:阿仙

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載