蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月18日
馬上成為壹會員

【紅館機會渺茫】孫耀威兩度爆喊 感激fans﹕多謝等咗我25年,好多回憶

建立時間 (HKT): 1118 14:38

孫耀威(Eric)昨晚在九展舉行尾場演唱會,鄭秀文、車婉婉、吳嘉麗、鄧健泓與太太石詠莉等都有捧場,而孫耀威太太陳美詩在完騷後現身。。

一開騷,孫耀威就好熱情地同fans打招呼,佢話﹕「你哋等咗咁多年,我終於開演唱會喇,今日臨出場前,監製叫我『enjoy』,見番多年嘅舊同事同fans,好似大聚會咁。出年再開演唱會好唔好?放心,出年唔會搞生意,拍完戲會即返嚟。台灣同內地都開好唔好?」終於圓演唱會夢嘅Eric續說:「多謝你哋等我25年,唱咗好多舊歌,唱歌時好多回憶,知你哋等呢個演唱會好耐。」

孫耀威噚晚兩度爆喊,第一次係獻唱《我知道你在等我》;到Encore時,Eric唱出《永遠保護你》,台下觀眾高舉印有「一起跨過1/4世紀,未來繼續撐你」紙條,讓Eric感動到淚流滿臉。

完騷後,Eric在後台接受訪問,被取笑係「喊包」,Eric話﹕「噚晚(前晚)喊咗,以為今日唔會再喊,但見到一班fans,廿幾年來一直支持我,睇住佢哋結婚生小孩,一齊成長,真係好開心同感恩有咁多fans。」佢話希望再搵不同場地開騷,問到係咪最想開紅館騷?Eric苦笑話﹕「唔知呀,處於放棄狀態,因為太難book場喇,抽到當中獎。我都想喺台灣小巨蛋開騷,明年都有機會中標,台灣係我出道嘅地方,香港就係我嘅家,最想喺兩地開瘋癲party。其實廿幾分鐘又跳又唱係會死嘅,但見fans尖叫,我又腎上腺素上升。」

Eric透露為今次個騷努力操fit,以前一日三支可樂都要忍口唔飲,但fans就訴佢露得太少,Eric話﹕「今晚太high喇,唔記得咗,之後會露多啲。」


精選娛聞,喺晒《娛果》 http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載