蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月27日

【失戀旅行團​×蘋果(7)】淫霍魔戒被嘲詛咒人 Dear Jane開金口撐團友

10,793
建立時間 (HKT): 1127 00:02

由Secret Tour ​× GLOs舉辦嘅失戀旅行團(BreakUp Tour)五日四夜東京之旅,請四位失戀團友Don(24歲)、Vincci(26歲)、霍哥(29歲)和Yumi(22歲)去旅行,各自散心。上集講到失戀旅行團安排神秘嘉賓煮早餐冧爆失戀團友,原來神秘嘉賓竟然係情歌樂隊Dear Jane!開開心心食飽後,四位團友就要挑戰下一個艱鉅任務——賣走前度遺物,真正Let go!

相關新聞:【失戀旅行團​×蘋果】打泰拳等於俾狗公X? 拍拖7年新娘竟然不是我!

「寧願當初不相見,寧願當初不覺得你太友善
寧願失憶失去掛念,記不清楚你笑臉
至少今天我會活好一點,寧願當初不相見」

一日嘅行程由Dear Jane即席為大家獻唱開心版《寧願當初不相見》展開,Dear Jane沿路陪住四位團友大唱佢哋嘅情歌,仲唱埋網上惡搞版「中秋你注定一人」,氹到大家好開心。提到大家嘅前度遺物,每件遺物都代表住一個故事。

相關新聞:【失戀旅行團​×蘋果(精華版上)】前度秘婚玩失蹤 扮抑鬱其實另結新歡

首先喺網絡被稱為「淫霍」嘅霍哥,竟然情深到仲keep住八年前同前度嘅一隻情侶戒,佢話當時買完隻戒指無幾耐就分手,似乎係隻受詛咒嘅「魔戒」。Yumi嘅前度遺物係一條會變色嘅水晶頸鏈,佢話難忘係因為窩心,「前度因為知道我唔見咗啲水晶好唔開心,所以就送咗條新嘅畀我,我覺得幾有心思。」雖然唔捨得,但Yumi覺得係時候要放手。

情侶衫嘅意義,係大家願意公開認定彼此嘅戀人關係,Don都曾經擁抱過呢份甜蜜,可惜情侶衫剩低一件,Don覺得已經失卻意義,「分開之後其實佢有着嘅,但係可能對佢嚟講只不過係一件衫。」望住形單隻影嘅情侶衫,當初嘅甜蜜變成如今嘅苦澀,Don希望用一個形式去放低呢件遺物,從今以後活得更好。

而Vincci嘅遺物故事,係前度喺佢上年生日送嘅一隻機械錶,錶面印有Vincci最愛嘅雪糕圖案兼英文名字母V,「我逢親唔開心,或者可能係做野好辛苦就會選擇食雪糕,咁我就會開心返。」所以每次望隻錶,Vincci就會諗番起以前同前度拍拖食雪糕嘅情景,為免觸景傷情,Vincci已經無再戴呢隻雪糕錶,並決定將佢賣走。

Dear Jane結他手Howie覺得賣走前度遺物呢個活動好好,因為會有新嘅人再珍惜呢份遺物,「賣走遺物真係有一個意義喺度,唔係去咗堆田區囉。」鼓手Nice補充,「我覺得呢個係一個儀式,一個重新嚟過嘅動作。」失戀團友去到東京都駒澤奧林匹克公園,嘗試賣走失戀遺物,雖然唔少日本途人都覺得有意義嘅物品應該要保留,但要令自己得救,就要捨得放手,學識放低一直留戀嘅過去。究竟最後有冇團友可以成功賣出遺物呢?

另外,四位失戀團友勇敢放低過去,逐步逐步放開舊情,下集Dear Jane會打開佢哋心扉傾心事,仲會分享自己感情經歷,齊齊飲酒,踢走憂愁,千祈唔好錯過!

主辦單位:Secret Tour ​× GLOs(BreakUp Tour)
活動詳情: https://www.facebook.com/breakuptour/

旁白:阿仙
撰稿:阿仙、由由
攝影:馮峰、馮燊明、阿仙、由由
後期:馮燊明
視覺設計:Cammie
編審:阿仙
編導:馮燊明
監製:阿仙

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載