› 選擇地區
三藩市
紐約
洛杉磯
其他美國地區
香港 台灣 北美
 
2018年12月01日

【韓流】12月韓劇邊齣標尾會? 玄彬孖朴信惠談情勢做收視一哥

tvN《阿爾罕布拉宮的回憶》首播日期:12月1日
建立時間 (HKT): 1201 07:59

2018年即將過去了,時間真係過得超快,今年有幾多齣韓劇係合大家心水?如果今年《陽光先生》、《金秘書為何那樣》、《Beauty Inside》、《百日的郎君》等人氣韓劇都唔啱你心水嘅話,咁睇埋今個月啲新劇會唔會又可以標尾會,成為你心目中今年最火熱嘅韓劇。

(一)tvN《阿爾罕布拉宮的回憶》(首播日期:12月1日)
由韓國女星朴信惠及型男玄彬主演嘅tvN新劇《阿爾罕布拉宮的回憶》應該係今個月最令人期待嘅新劇,港劇迷更可於Netflix同步追看。今次玄彬同朴信惠第一次合作,兩人都屬品質保證,特別係朴信惠一向係收視大贏家,加上合作親都係男神人選,今次喺《阿爾罕布拉宮的回憶》中講述投資公司嘅執行長劉鎮宇(玄彬飾)出差前往西班牙,入住由鄭希周(朴信惠飾)經營嘅老旅館後,繼而再捲入神秘事件。

(二)SBS《命運與憤怒》(首播日期:12月1日)
《命運與憤怒》由朱相昱、李敏貞、蘇怡賢等主演,今次係朱相昇同李敏貞繼前年《別有用心的單身女》之後再次合作,劇情講述圍繞四個年輕人有關愛情、謊言、憤怒同埋命運嘅故事。

(三)MBC《壞刑警》(首播日期:12月3日)
《壞刑警》係翻拍英國BBC電視劇《Luther》,並由申河均、李雪、朴浩山、Baro等主演,講述比連續殺人犯更兇惡嘅刑警申河均,同埋和比連續殺人犯更危險嘅精神病患者之間合作調查嘅犯罪電視劇,題材幾新穎。

(四)SBS《福秀回來了》(首播日期:12月10日)
《福秀回來了》由俞承豪、趙寶兒及郭東延主演,俞承豪係劇中將會飾演喺校園實施咗暴力嘅少年,最後被判入少年監獄,出獄後一心向初戀及朋友復仇,不過出獄後卻過住替身生活,同時捲入意料之外嘅事件。


精選韓流,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載