› 選擇地區
三藩市
紐約
洛杉磯
其他美國地區
香港 台灣 北美
 
2018年12月08日

【亞姐/港姐/華姐】羅霖騷岩石胸 馮盈盈打尖爭嘢講

上年《歡樂滿東華》畀網民勁插卡士弱,今年大晒港姐、華姐同亞姐。
建立時間 (HKT): 1208 21:52

舊年《歡樂滿東華》畀網民勁插卡士弱,今年王賢誌升呢做咗東華主席,即刻碌盡人情卡狂搵大卡士撐場,除咗搵到曾志偉同無綫破冰做司儀之外,仲有謝賢、狄波拉、徐小鳳、林子祥(Lam)、陳秋霞、楊千嬅、楊盼盼、馮寶寶、陳曉東、莫文蔚做嘉賓。

相關新聞:【寶刀未老】為咗好姊妹返港 馮寶寶:盼盼完騷後去台灣做大手術

小鳳姐唱《風雨同路》,令觀眾回味,但另外一樣有睇頭項目,係港姐同亞姐及華姐冠軍一齊行catwalk,今晚亞姐冠軍黎燕珊、羅霖、陳煒同韓君婷,港姐冠軍向海嵐、楊思琦、馮盈盈、陳庭欣、陳曉華,以及華姐冠軍鄧佩儀同余思霆,喺林子祥唱《最愛是誰》及《分分鐘需要你》時着住靚衫行catwalk,余思霆同陳煒都低胸裝出場,但薑係老嘅辣,當羅霖着住低胸裝以「岩石胸」現身時,即時將所有冠軍佳麗比下去,成功搶盡風頭。

之後一班靚女攞咪傾偈,原本鄧佩儀遞支咪俾余思霆講嘢,點知馮盈盈竟然搶咗余思霆支咪,結果因為時間唔夠,余思霆同陳曉華都冇機會講說話。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載