蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月16日
馬上成為壹會員

【啲說話有…】馬國明得獎:唔使畀紙巾我,因為我唔係代言人

建立時間 (HKT): 1216 22:50

【新增回應】

相關新聞:【希望今年唔使天然呆】黃心穎性感經男友批准 唐詩詠每年都投馬明做視帝

馬國明憑《宮心計2深宮計》中嘅任三恕一角,得到最受歡迎電視男角色一獎,不過當事人就似乎有啲意外,知道自己得獎後即時表現得非常愕然,一副唔敢相信嘅樣,呆住上台領獎嘅佢,一上到台被胡定欣問:「使唔使借隻戒指畀你?5卡㗎!」跟住馬明講得獎感受時,就句句有骨咁話:「首先唔使畀紙巾我,因為我唔係代言人,冇收到錢。」講完之後全場「哇!」咗一聲,之後馬明又話:「我係估黎諾懿嘅,我今晚真係唔知點解會攞獎,真係莫名其妙,同埋我唔係蕭正楠咁已經註咗冊,所以大家唔使咁大反應,惟有多謝啦,多謝小青姐,多謝成個團隊啦,因為我都唔知點解我會攞獎,咦,都要多謝高層嘅,多謝樂小姐多謝珍姐。」而佢又話今晚呢個獎係好大個Surprise,多謝成個心宮計團隊。

馬國明事後接受訪問時話:「今年冇諗過有獎攞,以為會提名男配,點知冇份,冇諗過自己拎呢個獎,我貼黎諾懿,《宮心計》我戲份唔多,多謝觀眾投票。」對於蕭正楠領獎時爆婚訊,馬國明話:「佢講完我腦一片空白,我心諗,如果我要上台,我冇諗過佢咁求婚,今晚畀佢搶晒fo,原來佢同翠如BB結咗婚,佢呢個驚喜好靚,恭喜佢。」會唔會模仿?馬國明話:「我冇註冊先,學習吓?搵多啲錢先。」 

相關新聞:【已諗定得獎謝詞】《BB來了》成視后大熱 李佳芯有信心攞獎

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載