蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月28日
馬上成為壹會員

【有片】劉德華聲沙落淚 個唱中途腰斬

建立時間 (HKT): 1228 21:20

一連20場的劉德華「My Love Andy Lau劉德華World Tour」,月初舉行,相隔八年再踏紅館舉行跨年演唱會,相信好多fans都好期待,不過華仔唱到第14場,就因為「聲沙」而要腰斬個唱,而且華仔仲失望到喊,唔好話華仔,相信所有人睇到都心痛。

相關新聞:【Jeana帶母親睇騷撻Q】原本約好聽日睇華仔騷 Sammi打氣:明白你已盡全力

今晚一眾藝人如任達華夫婦、舒淇、胡杏兒都有去華仔捧場,可惜華仔喺台上唱咗3、4首歌後,就同觀眾講:「真係唱唔到,唔好意思!」之後,華仔又表示自己喉嚨痛,醫生亦有叫佢唔好唱,華仔就開始喊,坐在觀眾席的妻子朱麗倩也忍不住落涙,而舒淇亦有喊。至於今晚有去睇爸爸演唱會嘅華仔囡囡劉向蕙,就先行離開觀眾席,在場fans雖然失望,但就好支持華仔呢個決定,而睇見華仔喊,都大叫「華仔唔好喊!」

劉德華在演唱會途中,向觀眾說:「醫生建議我唔好唱,但我真係唔捨得。我唔想大家聽我呢把聲聽成個concert,但我冇辦法,所以我唱埋呢隻歌(《如果有一天》),要停止喇!善後嘅工作我會慢慢交代返,希望我盡最大努力唱完呢隻歌,亦都希望你哋陪我一齊唱。要同大家道歉,多謝你哋,你哋要畀多次掌聲你哋自己!」然後唱最後一句:「你心我心,手與手 連成一線,為你可分憂,好朋友。」然後在台上雙手合十,分別向四邊觀眾鞠躬。

相關新聞:【個唱腰斬】劉德華叫留飛 後續安排及退票有待宣佈

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載