› 選擇地區
三藩市
紐約
洛杉磯
其他美國地區
香港 台灣 北美
 
2019年01月02日

【精壯男人】Tim皮褲現「激凸」 老婆楊洛婷ready等回家

攝影:林賓尼/Ig圖片
建立時間 (HKT): 0102 13:45

樂隊Dear Jane主音黃天翱(Tim)噚晚全身皮裝出席商台「叱咤樂壇頒獎禮」,皮褲下出現「激凸」效果,Tim搞笑話:「諗起老婆啫,呢排做gym,泵咗啲蛋白質出嚟,老婆send番link出嚟,我都睇到。」記者取笑Tim,佢老婆楊洛婷有冇話噚晚準備好?Tim話:「我哋晚晚都ready好。」老婆可有投訴太攰?Tim再話:「佢講吓啫,我都唔會攰嘅,今日靚衫,係造型師搵嘅全皮,坐喺度摺起晒先咁。」記者話Tim係「精壯男人」,佢有啲尷尬話:「老婆都有問係咪諗起佢。」因為陳柏宇都試過動L,記者笑言如果佢同陳柏宇組隊,Tim話:「咁全場女性都會流鼻血,不過,我唔會因為咁而唔敢着皮褲嘅!」

相關新聞:【瘋狂負評】陳詠謙奪填詞人大獎 網民鬧爆:填得多就拎到,唔代表咩

同場許廷鏗噚晚台上講唔停,佢話今年3月喺紅館開騷,所以佢想將想講嘢講晒:「歌手不擅詞語表達,只識唱歌,我聽到AGA話連飯錢都冇嗰part,好有共鳴。」許廷鏗對古天樂噚晚現身好驚訝,佢話後台最初見唔到:「我有份投佢,都有幫佢一把推佢上去。」對於古仔一身拳王打扮,許廷鏗話想聽佢唱《今期流行》,問到想唔想睇佢跳舞?許廷鏗話:「佢有舞㗎咩?好呀。」許廷鏗仲想演唱會邀請古仔做嘉賓:「係就好鼓舞,佢話推動樂壇,要去聯絡吓。」

此外,陳柏宇話自己唔會喊:「我吹水,有機會會喊,想做啲嘢令大家開心啲。」柏宇直認想接棒做第二個吹神:「係㗎,相比同行,自己得到嘅嘢,唔係咁值得擁有,其他歌手認真投入,我比唔上,好想諗啲方法回饋,因為自己得到咁多,我想將自己思維講畀大家聽,令大家開心,將我有,而你哋冇嘅分享,有時覺得有啲嘢唔係應該有,但人哋畀冇理由唔接受。」

相關新聞:【叱咤頒獎禮】播出昔日彈結他片段 盧凱彤:越簡單嘅chord係畀到快樂我

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載