› 選擇地區
三藩市
紐約
洛杉磯
其他美國地區
香港 台灣 北美
 
2019年01月03日

【又贏!】謝安琪張敬軒再封最優秀男女歌手 SM《橙海》奪至尊金曲獎

(攝影:仇志德、陳俊強)
建立時間 (HKT): 0103 22:54

港台喺今晚嘅「第41屆十大中文金曲『用心‧聽』音樂會」總共揭曉三個獎項,除咗由達明一派攞到嘅「金針獎」,另外仲有「全球華人至尊金曲獎」同「最優秀流行歌手大獎」嘅男女歌手獎。最終由成軍12年嘅Supper Moment憑《橙海》奪「全球華人至尊金曲獎」,啱啱喺商台叱咤頒奬禮成為大贏家嘅謝安琪(Kay)同張敬軒,就分別成為「最優秀流行歌手大獎」男女歌手。

相關新聞:【十大中文金曲音樂會】欣宜閃閃令藍裙包實 Gin Lee露半邊膊突圍

Kay上台攞獎時話好開心,因為佢係第一次攞呢個獎,覺得好開心同好特別,又話之前自己休息咗好長時間,今年先再同團隊、麥浚龍(JUNO)合作,然後Kay多謝歌迷,令佢無論喺台上定台下都覺得自己有價值,台下嘅歌手即刻大聲尖叫。

軒仔就話2018年係佢好豐收嘅一年,多謝歌迷同佢風雨同路,佢又多謝港台,因為當年最需要機會時,可以喺港台做節目,希望將來仲有機會返港台做音樂有關嘅工作。

相關新聞:【兒時偶像】見霆鋒真人好驚喜 坤哥即場清唱《玉蝴蝶》

張敬軒今晚聯同藝術家梅卓燕、台灣大環表演者楊世豪一齊表演,軒仔將佢10年前嘅作品《櫻花樹下》,同埋今年嘅作品《百年樹木》串連埋一齊表演。曾經喺軒仔演唱會出現過嘅楊世豪,同上個月26日本來嚟香港出席由何韻詩主辦嘅音樂節任嘉賓嘅閃靈樂團,同樣來自台灣,唯一唔同係閃靈樂團不獲入境處發簽證,當時解釋係申請人需擁有在香港境內不存在的技能、知識和經驗,但楊世豪就順利獲批,出席今晚嘅演出。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載