› 選擇地區
三藩市
紐約
洛杉磯
其他美國地區
香港 台灣 北美
 
2019年01月06日

【百萬行晒馬】MIRROR歌迷嗌不停 大台藝人被路人嘲:都唔識嘅

建立時間 (HKT): 0106 11:23

大台、ViuTV、新城今日各派藝人代表,喺中環參與百萬行,現場所見,大台由近年上位嘅花旦陳煒領軍,率領陳庭欣、楊玉梅、黎諾懿、徐榮、黃家樂等近60人,當佢哋行入會場時,有市民好興奮咁睇明星,亦有市民皺眉話:「都唔識嘅!」原定有份參與嘅馬德鐘就最終缺席。

相關新聞:【人多勢弱】百萬行被搶風頭 樂易玲有意組隊撼MIRROR

ViuTV方面則有新晉男子組合MIRROR成員楊樂文(Lokman)、姜濤(Show)、陳卓賢(Ian)、盧瀚霆(Anson Lo)、王智德(Alton)、江熚生(Anson Kong)、呂爵安(Edan)、柳應廷(Jer)、李駿傑(Jeremy)、邱傲然(Tiger)、以及陳安立、岑樂怡、黃奕晨、駱振偉、陳子豐等等,其中MIRROR更獲半百歌迷到場舉牌支持,並以姜濤歌迷最多,當ViuTV經過時,歌迷們叫個不停,聲勢似乎勁過「電視界一哥」無綫。

對於ViuTV聲勢浩大,Lokman話:「多謝,朋友畀面,我哋之前都驚見唔到佢哋(歌迷),佢哋太熱情,喺地鐵站已經捕住我哋。」慣唔慣早起身出席活動?Lokman表示:「對我哋嚟講唔係一個挑戰,我哋慣咗帶少少疲倦做任何事,之後我哋會有唔同嘅進修,例如唱歌、健身、運動,所以今日難唔到我哋。」

第5年參加百萬行嘅陳安立笑笑話:「我都係MIRROR fans,有睇佢哋嘅節目,見到佢哋有咁多fans,都戥佢哋開心,多咗份活力。」對於黃心美被爆同薛芷倫大仔馬桂烽拍拖,曾經同黃心美傳過緋聞嘅陳安立話:「我都係睇新聞先知佢個真命天子係邊個,佢好保密,同佢合作過嘅人都唔知,可能佢啲閨密會知道,我同佢都熟,但淨係知佢蜜運中,一直都好sweet,我戥佢開心,不過佢冇回應,我都唔講咁多。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載