› 選擇地區
三藩市
紐約
洛杉磯
其他美國地區
香港 台灣 北美
 
2019年01月06日

【古天樂不值得獎?】向雪懷鬧叱咤侮辱男歌手 如籃球之神拎足球先生

(資料圖片)
建立時間 (HKT): 0106 18:11

古天樂喺元旦拎咗商台「叱咤我最喜愛的男歌手」,稱霸歌影視。好多人食住花生咁聽佢唱《男朋友》,無論台上台下都好好氣氛。加上佢作為演藝人協會會長呢個身份,佢得獎時話好想幫樂壇,又約過唔同歌手食飯,為樂壇出一分力。

不過,由古天樂有提名開始,到賽果一出,有人質疑古天樂只係唱咗半首歌,而且演出平平,頒呢個獎俾佢,抹殺咗其他男歌手整年嘅努力。

今日填詞人向雪懷喺微博鬧爆商台侮辱所有男歌手:「一直以來都不喜歡香港商業電台對音樂的取態。作為一個由政府支持,為大眾巿民服務的電台,將香港一班努力為音樂的朋友推落崖。當年的領導俞琤封殺所有外國歌、翻唱歌、劉德華、鄧紫棋。」

「今日更離譜,頒發叱咤樂壇流行榜『最受歡迎男歌手』獎給古天樂,簡直是對所有男歌手的最大侮辱。荒謬如宣佈美國籃球員麥可.喬丹(米高佐敦)贏了足球名將美斯獲選『全球最歡迎足球先生』。可悲的香港商業電台,一個不是為我們服務的電台。更可悲的是香港音樂人活在這個電子媒體下。你們再努力,都沒作用了」。

不過,是咁的,商台其實係一間私人商業機構,估計向雪懷所指嘅「一個由政府支持,為大眾巿民服務的電台」,應該係想講香港電台,而港台舉行嘅十大中文金曲,就將「最優秀流行歌手大獎」頒咗俾張敬軒。另外,向雪懷所提嘅「最受歡迎男歌手」,其實係無綫嘅獎,而「2018年度勁歌金曲頒獎禮」要到今個星期六(12日)先舉行。

精選娛聞,喺晒《娛果》
http://fb.com/appledailyent

相關新聞:
【即時文摘】古天樂給你的人生課(馮睎乾)
http://bit.ly/2RAeYQ2

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載