› 選擇地區
三藩市
紐約
洛杉磯
其他美國地區
香港 台灣 北美
 
2019年01月10日

【《男朋友》集集追】被朴寶劍攬實瞓 喬妹表明心意:我愛你

《男朋友》今日播出第12集
建立時間 (HKT): 0110 22:00

由韓國神劇《太陽的後裔》女星宋慧喬孖朴寶劍主演嘅tvN新劇《男朋友》去年11月28號首播,今日播出第12集,港迷稍後可於「黃Viu煲劇平台」同步追睇。

相關新聞:【韓流】會唔會連咀5集?喬妹朴寶劍同床

承接上一集講到平凡青年金振赫(朴寶劍飾)送咗情侶戒指畀首爾市長嘅女兒車秀賢(宋慧喬飾),並承諾會永遠守護住喬妹。而喬妹前夫去咗搵朴寶劍,仲同朴寶劍講自己對「我的女人」喬妹未忘情,朴寶劍聽到「我的女人」四字大感不滿,亦指自己就算有困難亦唔會逃跑。

另一方面,朴寶劍嘅父親亦都去咗搵喬妹傾,表示擔心朴寶劍,因為朴寶劍為咗同喬妹嘅事叫家人要為佢加油,喬妹話明白朴寶劍父親嘅擔憂,並叫佢哋唔需要加油,只要好好睇住佢哋兩個就得。

相關新聞:【韓流】朴寶劍3月亞博開騷 金泰璃有望合作宋仲基

朴寶劍同喬妹去咗食飯約會,朴寶劍問喬妹點解會鍾意自己,喬妹就話因為佢係「金振赫」,令朴寶劍大感開心,仲話要去喬妹屋企瞓覺。兩人返到喬妹屋企,喬妹叫朴寶劍可以走,不過朴寶劍就唔肯,仲跳咗上床話要當喬妹人體安眠藥,之後又攬住喬妹,朴寶劍話如果每日都可以咁樣就好幸福,朴寶劍見喬妹瞓着就離開,點知喬妹冇瞓着,待朴寶劍走後即話:「明明係人體清醒藥劑就真。」

而喬妹嘅童話酒店,董事局亦開會決定選出一名共同代表同喬妹一齊管理酒店,最終由喬妹嘅前夫擔任共同代表,而喬妹前夫仲負責朴寶劍嘅宣傳部。喬妹前夫同朴寶劍喺公司內不時見面,前夫再次表明喬妹就係佢嘅人生,現在佢只係爭取自己人生,而朴寶劍就想起喬妹曾經講過童話酒店就係佢嘅人生。

朴寶劍去辦公室搵喬妹,仲買咗三文治畀佢,但喬妹表現得唔係太開心,朴寶劍問佢係唔係生氣了,又問:「係唔係因為我關係令到你處境困難?」喬妹就話唔係,因為有朴寶劍在先係一種治癒,因為有朴寶劍先令自己明白乜嘢叫做鍾意,兩人再次肯定心意,互相講「我愛你」。

朴寶劍帶喬妹見老師,老師之後打電話畀朴寶劍老竇話見過喬妹,朴寶劍返到屋企,父親就提議同喬妹見面,但母親卻似乎唔多想喬妹來。朴寶劍邀請喬妹聽日到家食飯,喬妹亦答應了,點知秘書卻告知喬妹聽日係老爺嘅死忌,喬妹雖然離咗婚但都要出席。

朴寶劍從前夫口中得知消息後,為喬妹着想就話聽日食飯要取消。至於喬妹亦得知朴寶劍話取消飯局唔係真,但此時喬妹母親又打比女兒,叫女兒要為父親着想一定要出席,令喬妹陷入苦惱中。而朴寶劍喺屋企準備飯局之際,喬妹喺門口突然出現,喬妹最終選擇了朴寶劍,令朴寶劍大為感動。

相關新聞連結:
【第1集】 古巴浪漫初遇 喬妹夕陽下挨實朴寶劍
https://bit.ly/2QsFt9I

【第2集】喬妹重遇朴寶劍 兩人甜蜜食拉麵登熱搜
https://bit.ly/2EbSyi1

【第3集】朴寶劍漏夜飛車見喬妹 深情表白: 想見你所以才過來
https://bit.ly/2AXpjvj

【第4集】朴寶劍冧送生日禮物 當眾約會喬妹食拉麵
https://bit.ly/2BaWrj6

【第5集】終於接受朴寶劍? 喬妹:讓我哋喺曖昧中再見面
https://bit.ly/2zTBSba

【第6集】甜蜜拖手仔 喬妹公開認同朴寶劍玩曖昧
https://bit.ly/2UYaWzN

【第7集】下集咀嘴? 喬妹朴寶劍甜蜜自拍兼互餵牛扒
https://bit.ly/2EEYoIG

【第8集】第8集定律! 朴寶劍情深咀喬妹
https://bit.ly/2s4eQKn

【第9集】嗌完暫時分手 喬妹不捨飛車到束草搵朴寶劍
https://bit.ly/2F2LyDs

【第10集】朴寶劍古巴浪漫示愛 激咀喬妹逾1分鐘
https://bit.ly/2AB5eeG

【第11集】咀足四集! 朴寶劍送情侶戒冧喬妹
https://bit.ly/2ChIDUq

精選韓流,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載