› 選擇地區
三藩市
紐約
洛杉磯
其他美國地區
香港 台灣 北美
 
2019年01月11日

【陳少霞係成功例子】自問幾靚又搵到錢 黎燕珊:冇拖拍唔代表我失敗

建立時間 (HKT): 0111 12:59

羅霖、黎燕珊、周焯華太太陳慧玲,噚晚喺灣仔出席慈善晚宴活動,羅霖同黎燕珊先後現身,不過珊姐着咗deep V裙谷胸現身,搶咗唔少「峰」頭。珊姐最近連踩兩套劇,本來阿仔返咗香港過聖誕新年假期,但係珊姐忙到見阿仔嘅時間夾埋都唔夠五日,食咗幾餐飯,珊姐話希望喺農曆年前可以收爐。

不過珊姐話:「阿仔開始拍拖,終於理解啲人叫我要搵個伴,已經見過阿仔女友,好乖女,有禮貌,未來奶奶身份就流晒口水,依家真正就體會到孤單感覺,仔女各有另一半,最理想係我哋三個都有拖拍,o依家我只可以寄情工作,自問自己都幾靚又搵到錢,但就未有合適對象。」珊姐否認要求過高,講到擇偶條件,佢就話:「唔使靚仔,唔好要我養番佢轉頭就得,同埋要有共同信仰,依家係人生下半場,唔係為錢。」

至於好友陳少霞日前宣佈陀B(新聞連結: https://bit.ly/2FkZABh ),珊姐話:「其實佢兩公婆都有介紹對象畀我,不過順其自然喇,陳少霞喺我心目中係成功例子、學習對象,但唔代表我失敗,只係暫時未搵到。」

封咗胸嘅羅霖喺新一年接到唔少工作,農曆年仲會去緬甸做剪綵搵真銀,佢話新一年希望喺生意上有更多嘅發展更多。最近羅霖同劉美君合作拍劇,戲中劉美君係閨密,現實兩人年齡相約,都好好傾,羅霖話:「劇中講我好鍾意抽男仔水,打小鮮肉pat pat,仲要摸佢哋胸口,最初只係五隻手指掂落屁股到,但係導演唔收貨,要求連掌心都要壓落去揸一揸,搞到我好尷尬。」現實生活羅霖話唔會咁猴急,只係打過三個仔嘅pat pat。


精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載