蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年01月12日
馬上成為壹會員

【心理壓力】望華仔申請到年尾檔期 學友:做唔到落去係好辛苦

建立時間 (HKT): 0112 11:18

歌神張學友喺紅館舉行15場「學友.經典」香港站演唱會,噚晚正式開鑼,完騷後接受訪問,司儀講到佢係華人最多場次演唱會嘅歌手,學友即笑得好開心,佢笑言返到香港演出有啲緊張:「因為壓力大,免疫系統差啲,由上一站喺高雄演出,已經有啲病,o依家都有啲唔舒服,加上又扭親條腰,所以做唔到慣常90度鞠躬嘅動作,要小心啲。」

相關新聞:【第219場巡迴騷】學友畫冊要有票先買到 每人限買一本

問到有冇腰痛嘅情況,學友笑一笑:「本來想睇醫生,不過見到個情況向好嗰邊進發,所以冇睇醫生,覺得頭先跳舞都ok!」咁有冇準備醫生喺現場睇住,學友話:「又冇咁嚴重,之前醫生開咗一啲防流感嘅藥畀我,食咗之後會覺得有少少暈,不過冇乜大影響,都驚會影響演出,不過演出多咗、做巡迴多咗,遇過唔同情況,知道大概有幾大影響,可以控制到。」

學友又指唱前段時有啲沙聲:「剛返嚟,聲未係完全開咗,調較音響方面,都未係做得最好,只係覺得前段未係太理想,慢歌亦唔係自己控制之內,反而後面唱快歌就冇乜嘢。」

相關新聞:【同華仔夾好?】學友219場巡迴再返港開騷 18歲張瑤華興奮撐老竇

講到華仔去年因確診流感,取消七場演唱會,學友就話:「我都有睇到,聽完覺得更加驚,會有心理壓力,希望佢快啲好番,我相信我係取消最多次演唱會嘅歌手,我都明白取消個唱嘅心情,希望大家知道上咗台嘅我哋都想做到最好,做唔到最好,已經好唔開心,仲要做唔到落去,係好辛苦嘅事情嚟。」學友知華仔再入紙紅館,申請年尾檔期:「希望佢嘅申請ok喇!」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載