蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年01月12日
馬上成為壹會員

【瘦到得130磅】出院第三日 洪朝豐現身新書分享會:今日身體比較壞

建立時間 (HKT): 0112 17:36

洪朝豐早前留院11日接受小腸腫瘤切除手術,今日喺灣仔為兩本自己寫嘅新書舉行分享會,身上有四個傷口,所以佢以緩慢速度步入場地,佢苦笑表示今日身體比較壞,醫生雖然畀佢早兩日出院休息準備分享會嘅事,但佢噚晚曾出街食飯,今早開始感到胃部不適,似胃酸倒流,心有啲揦住,佢話:「仲有胃氣,想嘔又嘔唔到,折騰到今日下午,叫太太煲啲粥水,食完就好啲,我曾經有諗過係咪要同主辦商講嚟唔到。」

現時瘦到得130磅,洪朝豐接受訪問時,間中要飲水,佢話自己精神恍惚,佢話:「喺醫院度過59歲生日,曾有鬱躁症又入過精神病房,出院後喺街搭地鐵啲人會避開我,甚至背後辱罵我,抵受好多壓力,舌癌後我曾想自殺,經歷咁多風雨,回望乜有風雨咩?」

佢自言虛齡60歲,到呢個關口,佢話走出後感覺淡然,想嗰啲生活喺黑暗嘅人,可以畀到鼓勵同溫暖佢哋,生日願望係要搞多啲座談會分享:「黑暗未必係盡頭,仍可學習內心平安,學習隨遇而安。」佢話o依家師妹同學生幫佢傾緊座談會,希望可以喺台灣、內地舉辦。

DJ出身嘅洪朝豐喺受問時,口齒不太清,佢自言講嘢唔算太流暢:「冇可能回復從前咁靈牙利齒,就算將來復原,最多恢復百份之六十,好似以前做DJ時應該唔得。但要把靚聲定要命?我會揀條命。」洪朝豐於2017年發現患舌癌後,做手術切除3分之2舌頭,其間發現癌細胞擴散到淋巴,洪朝豐以樂觀心情面對,完成抗癌療程。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載