蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年01月12日

【子丹發聲明終止合作】時裝牌子有「辱華」前科 曾印「Fxxk You China」tee

54,988
設計師Philipp(右)喺2015年設計「Fxxk You China」字樣tee,掀起辱華風波,其後出道歉聲明,簽名位圖樣似清朝人跪低,被大陸網民聲討佢冇誠意。(網上圖片)
建立時間 (HKT): 0112 19:10

意大利牌子DG去年出咗一條女模廣告,片中用筷子配上趣怪表情吃pizza出事,掀起辱華風波,轟動國際,中國明星紛紛退出DG相關活動,最終官方發佈道歉影片,兩名創始人兼設計師向全球華人道歉,事件平息冇耐,今日有另一品牌同辱華事件扯上關係,今次係品牌被「翻舊帳」。

相關新聞:【內地網民鬧爆】甄子丹米蘭誤為「辱華」時裝品牌行騷 急發聲明拆彈

事緣甄子丹噚晚喺米蘭,歡天喜地為德國時裝牌子Philipp Plein做客席模特兒行騷,老婆汪詩詩做跟得老婆隨行,佢哋將行騷嘅相放上社交平台,又同設計師影合照,惺惺相識,對方大讚子丹係亞洲英雄,呢段新聞去到大陸即被網民鬧爆,皆因呢個牌子曾有辱華前科,「宇宙最強」嘅子丹即火速「關公」上身,同工作團隊嘗試化解公關災難,唔夠12小時發聲明拆彈,指終止與呢個品牌合作,與品牌劃清界線(新聞連結: https://bit.ly/2H7La9r ),子丹嘅「關公」意識超快。

回帶講返呢個牌子,佢哋喺2015年設計過一件印有「Fxxk You China」字樣tee,掀起辱華事件,呢個牌子進軍大陸市場引起軒然風波,最後呢個牌子面對咁大嘅市場壓力都要道歉,道歉新聞稿內聲稱爭議產品係「對於仿製品的諷刺」,體現「搖滾精神和幽默」,但喺簽名位畫了一個跪喺地清朝式留辮嘅人,大陸網民就覺得對方道歉毫無誠意,另外,呢個牌子不嬲惹火,充滿話題性,除咗辱華tee外,佢哋2017年就搵咗美國、當時33歲嘅「型男罪犯」(Jeremy Meeks)喺紐約時裝周行騷。

甄子丹工作室聲明全文如下:

昨晚,甄子丹先生在米蘭時裝周期間出席了德國品牌Philipp Plein的品牌活動。在此合作前,並未獲知該品牌於十多年前曾經發生過辱華事件。作為甄子丹工作室的團隊成員與該品牌合作前未經深切了解而造成的疏忽鞠躬道歉。甄子丹先生獲知後已立即停止與品牌的一切合作。

本司及甄子丹先生對本次工作的疏忽大意向祖國同胞深表萬分歉意!

無論何時、何地、何種形式,祖國堅決不容許侵犯!

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載