› 選擇地區
三藩市
紐約
洛杉磯
其他美國地區
香港 台灣 北美
 
2019年01月13日

【慈父育成計劃】苟芸慧幫老公蘊釀父愛 助養兒童實習四年儲經驗

建立時間 (HKT): 0113 00:00

一個美女與野獸嘅愛情故事,一個童話式嘅婚禮喺去年發生,美女苟芸慧(Christine)下嫁「野獸」、錫礦大王陸佑後人兼賽車手陸漢洋(William),大家期待呢對「美獸」配愛情結晶幾時誕生。原來William好抗拒小朋友,令到好鍾意小朋友嘅Christine出盡法寶,因為夫妻間嘅尊重,William由唔喜歡,到現時開始為爸爸做準備呢!

相關新聞:【今年入行10年】婚後人生閱歷多咗 苟芸慧渴望拍劇試多啲角色

最近Christine獲宣明會邀請,月尾出席親子活動,Christine仲同老公一齊助養咗4個小朋友,Christine話:「其實我19歲嗰年已經開始助養,覺得自己可以幫人,佢哋亦都可以幫到我,結婚第一年,老公係一個大小朋友,佢亦都好驚、好抗拒做爸爸,所以我哋喺婚前已經計劃咗,3、4年之後先會生小朋友,o依家決定助養,希望喺過程學識點樣做爸爸,亦都可以幫到需要嘅小朋友,係win win嘅situation。」Christine希望助養過程中,透過同小朋友溝通,做好為人父母嘅準備。

呢個實習期為時4年,Christine話:「我覺得女人有小朋友先至完整,我老公尊重我,所以努力去嘗試接受小朋友、學做一個爸爸,開頭佢對小朋友寄嚟嘅信唔會care,我當然唔會放過佢!大家睇完之後仲可以對話,例如個女話鍾意做警察,我會問佢睇法,現實生活中如果做咗爸爸會唔會表示支持?或者會好保護佢?大家會交流,嗰個過程會畀佢想像下,等佢唔好咁驚,而夫妻間亦都多咗話題,增加我哋之間嘅感情。」

婚後生活依然甜蜜,Christine甜絲絲話:「老公好似小朋友咁,多咗好多拍拖時候冇嘅嘢,佢好賴皮,不過應該好多老公都係咁,OK嘅,大家都喺度享受緊甜蜜嘅過程。」Christine仲大爆老公姿整,外表威猛,但性格似足女人,佢話:「其實我哋兩個真係剛剛相反,大家見我覺得好小鳥依人,老公睇嚟好man、好sporty,其實佢都好多細心位,仲姿整過我,出門口等佢要等好耐,好搞笑。佢會有更多女仔嘅嘢,好多浪漫嘅諗法,唔知喺邊度學返嚟,佢曾經試過喺網上訂天上面嘅星星,個名係跟佢嘅姓,要做嘢嘅時候見唔到我,就話望住啲星就當見到我,佢係一個好細心、好善良嘅人,好會幫人諗,我相信佢會好識教小朋友嘅同理心。」

場地提供:ENVY Restaurant & Bar
服裝: Max Mara
化妝: Amy Lee
髮型: Sue Cheung @ Hair Corner K11


精選娛聞,喺晒《娛果》
http://fb.com/appledailyent

【編輯推介】

【勁歌頒獎禮】菊梓喬榮登「一姐」 張敬軒四度獲「最受歡迎男歌星」
http://bit.ly/2RHcwrg

【內地網民鬧爆】甄子丹米蘭誤為「辱華」時裝品牌行騷 急發聲明拆彈
http://bit.ly/2FmqVTS

【瘦到得130磅】出院第三日 洪朝豐現身新書分享會:今日身體比較壞
http://bit.ly/2VQP4aj

【韓流】35歲金景祿今做老襯 自爆先收老婆求婚
http://bit.ly/2CgzFqA

【發展異地戀】1D仔Harry Styles暗撻水原希子
http://bit.ly/2QJikfh

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載