蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年01月13日
馬上成為壹會員

【今年入行10年】婚後人生閱歷多咗 苟芸慧渴望拍劇試多啲角色

採訪:羅慧敏/攝影:林德雄/攝錄:葉君海
建立時間 (HKT): 0113 00:00

苟芸慧(Christine)2009年奪得國際中華小姐冠軍,並加入香港娛樂圈,今年6月就踏入第10個年頭,回顧番呢段日子,Christine話:「真係人生有幾多個10年?呢10年遇到高低、有開心有唔開心,但係睇番,覺得得着多過唔好嘅嘢,學識咗好多嘢,我覺得有時表面唔好嘅嘢,企喺另一個角度睇就會變咗另外一樣嘢。」Christine面對失意時會選擇失憶,寧願做個開心果,佢話:「唔開心時我嘅記憶好短暫,要珍惜值得感恩嘅開心事。」問到結婚係咪10年裏面最開心嘅時刻?Christine就話:「結婚又唔係最開心嘅,呢個係一個過程,當兩方ready之後就進入另一個階段,結婚嗰一刻係非常開心,o依家大家要照顧大家嘅生活,同對方溝通,要互相改變。」

相關新聞:【慈父育成計劃】苟芸慧幫老公蘊釀父愛 助養兒童實習四年儲經驗

至於生小朋友,將會係3、4年之後嘅事,生B後Christine已計劃專注家庭,所以Christine想把握工作時機,喺呢4年內衝刺!盡量做好自己想做嘅事,佢話:「唔係個個都有咁多機會,有人鍾意係感恩嘅事。今年有機會希望可以拍多啲網劇,自己仲係新人,始終好耐都冇拍嘢,結婚後會多咗人生嘅經歷,希望可以配合到唔同嘅角色。」至於提到若果要拍親熱戲,使唔使老公批准?Christine就話:「我覺得佢OK嘅,但係我尊重佢,都會問佢同佢商量,佢應該好尊重我,佢鼓勵我有好多面觀眾係唔知嘅,可以將不一樣嘅嘢表現出嚟,嘗試唔同嘅角色 ,因為呢啲機會唔係人人可以做到,電影生活同現實生活係不一樣,可以做到其他嘅角色係好有趣嘅。」

Christine儍人有儍福,佢笑言自己有個儍心願,佢話:「呢個係一個好silly idea,我想帶多啲歡笑畀身邊嘅人同埋社會,因為我覺得香港有時會有啲唔開心嘅事,做演員嘅有好處,可以透過戲劇、電影,帶出歡樂、開心嘅能量,我想將開心嘅能量傳出去,希望可以由自己做起。」

場地提供:ENVY Restaurant & Bar

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載