› 選擇地區
三藩市
紐約
洛杉磯
其他美國地區
香港 台灣 北美
 
2019年01月24日

【成軍100日】酒樓開騷門票賣$888 MIRROR預告有近距離接觸

(攝影:羅慧敏)
建立時間 (HKT): 0124 16:46

本地男團MIRROR今日到新城宣傳新歌《ASAP》,年初六他們將為成軍100日舉行「百日宴」,將在九龍一間中式酒樓舉行,但門票索價卻要888元,被指太貴,MIRROR解釋適逢新年,場地、攝影、梳頭及化妝皆收雙工,成本太高才有此定價。

隊長Lokman透露屆時會與粉絲近距離接觸兼互動,想與粉絲互相了解,問到會否騷肌或送抱?他們笑說:「騷肌唔會嘞,新年太凍。送抱就未知,到時太開心都控制唔到。」他們又寄語大家不用封利是破費,只需寫上加油字句入利是封已足夠。

問到他們豬年是否想繼續豬籠入水?Edan笑說:「狗年收入都唔多,年年願望都係身體健康。」而獨得100萬獎金的姜濤被指豬籠入水,大家爆姜B已請食飯,姜B指請食飯不計較金錢,最緊要隊友開心。提到其右腳韌帶撕裂,姜B說:「決定做手術,會好好照顧身體,工作唔會有太大影響,手術後個幾星期已經行得,但有2、3個月唔可以跳舞。」而Anson Kong聞言即踢爆姜B在泰國拍節目時不聽勸告,不理腳傷去攀石,指他相當好勝。

另外,創作歌手Merry Lamb Lamb今日亦到新城宣傳新歌《Night Ride》,表示今年會繼續製作好音樂:「因為舊年去咗上海參加一個電子音樂比賽,所以大碟計劃今年暑假先出,年底希望可以開音樂會。」原定的大碟延遲推出,問到會否感到失望?她說:「唔會,每件事出現總有原因,呢隻係我第一隻實體碟,自己寫、唱同創作,做咗唱作歌手3年幾,睇住自己音樂嘅成長,出碟就好似畢業咁,而音樂會就好似一個畢業禮,而家未諗到喺邊度開,自己唔想第一個騷有任何規範,嚟緊不斷創作,自然會諗到,唔一定要鋪排好。」Merry Lamb Lam新年將繼續做音樂創作,希望下月能夠完成今年第一首新歌。

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載