› 選擇地區
三藩市
紐約
洛杉磯
其他美國地區
香港 台灣 北美
 
2019年02月06日

【開開心心】離巢六公主開年飯聚首 豬年一齊撈到風生水起

建立時間 (HKT): 0206 00:00

今日年初二,食過開年飯,全年豐衣足食。

相關新聞:【爭摸巨肚沾旺氣】陀豬女黃婉曼分享生B貼士 促李思欣早歸家吉時造人

伍詠薇、沈卓盈、樂瞳、陸詩韻、李思欣和黃婉曼六位靚女日前相約到中環吃飯,她們都有共通點,就是先後離開無綫,演藝事業都繼續發光發亮,她們更一齊吃「撈起」,祝願大家在豬年「撈得更掂」。

姍姍來遲的伍姑娘,風騷地說:「唔好意思,我遲咗嚟,真係好多嘢撈。有唔同平台搵我,好多工作。」伍姑娘坐下後即跟眾姊妹舉杯:「大家飲杯,豬年搵多啲錢,未結婚快啲結,結咗婚就快啲生仔,有好嘅就唔好放過喇!」五位妹妹醒目向伍姑娘拜年,她即逐一派利是,伍姑娘看到黃婉曼的巨肚,她識做說:「派畀你入邊嗰個。」沈卓盈和樂瞳異口同聲賣口乖,伍姑娘說:「你兩個邊個大?邊個細?」伍姑娘先派給穿低胸裝的樂瞳:「派身材,你先。」之後伍姑娘才派給沈卓盈:「年紀細係你。」伍姑娘又搞笑問陸詩韻:「我懷疑你結咗婚。」陸詩韻笑着回應只是太多緋聞。

眼見伍姑娘爽手派利是,她還幽默說:「我派嘅利是,講明先,係意頭,就算入面寫住『身體健康』,你哋都要接受。我同舊公司一樣,10蚊封利是啦,係咪差唔多?」眾女面面相覷,伍姑娘再說:「冇人敢答,哈,我講亞洲電視啫,唔係『之之之』呀。」伍姑娘發現身邊剛離巢的沈卓盈一臉尷尬,她說:「佢(沈卓盈)好明顯好驚,原來最笠水係佢。」六女「吹水」不停,氣氛很熱鬧。

拜完年,大家即準備開飯,看到一枱美食,有撈起、蝦球、金蠔、烤雞、星斑球、叉燒、炒飯和大煎堆,有魚有肉好豐富,眾靚女即食指大動。她們最雀躍是玩「撈起」,她們一邊舉筷,一邊說着:「豬年要越撈越旺。」計埋黃婉曼肚中陀的豬女,其實算是賀年版七公主。

六位離巢公主先後向外闖,發展各有千秋,講到豬年大計,大家都有新計劃,13年離開無綫的伍姑娘,被公認撈得最掂,她這幾年除北上拍劇,也幾乎走勻各大電視台,近日還接拍了ViuTV的新劇,伍姑娘先說:「我都離開咗一段好長時間,可以同唔同平台做嘢,我亦有返大陸,以為大樹好遮蔭係好,原來出去闖吓,反而同唔同單位合作先係好嘅,會有新鮮感,唔會拍嚟拍去都係見到相同對手。我鍾意唔同平台合作,收入比以前好咗,但唔好追我稅。」伍姑娘更贈言剛離巢的小師妹沈卓盈四字:「我覺得佢係『非池中物』,我有留意佢,佢一路有進步。我冇擦佢鞋,佢真係好勤力,捉唔住,希望你出到去闖,越撈越掂。」

沈卓盈去年底約滿無綫,告別工作了16年的娘家,她回復自由身後事業再起步,更獲男友默默支持,問到今年是否有機會紅鸞星動,同時結婚生仔?沈卓盈衝口而出:「我想兩樣一齊,向住呢個方向。」伍姑娘即祝她「三喜臨門」,包括事業都有好發展。

已離開無綫9年的陸詩韻,近年有經營護膚品生意,她也有過戲癮拍劇,陸詩韻說:「之前有返去部頭拍古裝,挑番戲癮,呢9年,我經歷過唔同嘅嘢,自己又搞咗啲小生意,穩步上揚,有人話每10年會有嘢發生,但我對個巿係唔擔憂,我向來好謹慎,我覺得呢一年會越嚟越好。」同樣離巢9年的黃婉曼也說:「我當時離開係因為冇乜安全感,我就撤退,我呢幾年有去學整麵包,2019年會開新嘅麵包舖,又生BB,我好唔捨得將軍澳,新店會開喺嗰度。」

樂瞳也離開了無綫一年多,這段自由身日子,她搏命接job,荷包大進賬:「我以前好拮据,以前我係『月光族』(月底前便將薪金花光),而家搵到啲錢,我幾開心。跳咗出去,我做咗好多網上嘢,觀眾未必喺一般電視見到我,拍多咗飲食旅遊嘢,幾乎個個月都飛。新一年我想學多啲嘢,準備學吓投資,增值自己。」思欣去年也入股娛樂公司,升呢老闆娘,結婚8年的她今年恨追豬B:「我哋不嬲好安全,夜晚靜落嚟,我有同老公商量,佢話你想生咪生,而家過咗安全期,開始諗多啲。計番我離開大台都6年,呢段時間見識多咗,我上年開咗娛樂公司,係小股東,今年考慮開兩部戲。」思欣還答應開戲會帶挈姊妹們齊齊發達。吃到中途,伍姑娘的手機突然響起,原來又接到開工通告,人紅果然忙。

撰文:比華利
攝錄:廖達燊、沈健程
場地:大官廳

【編輯推介】

【慢半拍】警察公共關係科自度《車公有嘻哈》 麥玲玲:原創作凡人係Rap唔到
https://bit.ly/2G9W90N

【初一報喜?】拉隊到汪阿姐家中團拜 黎芷珊自爆:我好似有咗咁
https://bit.ly/2WKhov6

【今年調咗位】一家五口傳統服拜年 陳茵媺全家福祝網民身體健康
https://bit.ly/2TweKr2

【遇到豬隊友?】林志玲《春晚》水上芭蕾疑用「水下替身」惹爭議
https://bit.ly/2GocI8x

【打造母女檔品牌】光希16歲生日 甜笑收花謝Fans
https://bit.ly/2WHHeA6

10萬蚊 30人分!《動腦Q》新春Q多寶
年三十至初三 3:15pm、10:30pm
豬年動腦,Q多啲money!
http://bit.ly/2QW8LcI

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載