蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年02月12日
馬上成為壹會員

【狹路相逢】阿Bob向小方澄清冇造假 王祖藍否認限酬令推Job

建立時間 (HKT): 0212 14:27

王祖藍、毛舜筠、方力申、林盛斌(Bob)有份主演的賀歲電影《你咪理,我愛你!》,昨晚在九龍灣舉行慶功宴。安排了方力申和阿Bob做主持,大玩《美女廚房》,由蝦頭楊詩敏和陳明恩煮意粉,毛舜筠和王祖藍任評判,結果蝦頭勝出。

李亞男昨晚現身活動,祖藍今日會和太太出發去旅行,之後共度情人節,並一同慶祝結婚週年紀念日,再返內地做元宵晚會。

祖藍有份主持的內地綜藝節目《奔跑吧》先後有主持人退出,劇組日前發出聲明,證實鄧超、鹿晗、王祖藍會退出節目,祖藍解釋說:「今次同屋企有關,上年因為小朋友出世,又做舞台劇,拍電影等,個節目一出就要去好多日,今年會以家庭為主,就老婆同女行先,唔想離開香港太耐,去一兩日工作都可以,又或者帶埋老婆同囡囡一齊同行。自己好唔捨得,始終人生另一個轉捩點,同咁多位兄弟都好好感情,大家私下都有聯絡,今次係為屋企作出痛苦決定,我形容為暫別,自己公司亦另有安排。」

主持人退出傳聞是因受內地限酬令影響,恐被徹查逼於無奈退出劇組,王祖藍否認此事:「唔關係,我不嬲唔係好貴,最重要係我有另一啲工作,之後大家會見到,會繼續扮肥仔開拍自己公司綜藝節目《沒想到吧》,今年以屋企為中心,個人實際上同傳言無關,有問題就唔會拍個節目啦。」

毛舜筠新年一家人到日本旅行,行程由長女安排, 雖然好玩但亦很疲累 ,美中不足旅程最後一天早上遇上大風雪,很多航班取消,延誤至深夜才返到香港。毛姐認為大時節一家人過節最重要,兩女兒其中一個讀書,今年大女留在身邊,她笑言:「好彩總有一個係隔離。」電影中毛姐有一個50F巨胸角色,她表示老公已經欣賞過電影,喜歡她演失婚婦人一幕,難道50F吸引力不足?毛姐笑說:「一睇就知係假啦,呢啲搞笑嘢。」

此外,方力申早前在鄭中基演唱會上與梁漢文三人合體,《美女廚房》主持重現人前,有傳ViuTV有意開拍《美男廚房》節目,小方說:「娛樂圈幾團結,網上令到件事好有火花,其實我哋三個人合唱以前嘅歌,感受同觀眾熱鬧氣氛,玩到唔捨得走,我哋已經有十年冇同台,自己一直好想有個機會做個節目或者做騷,唔一定演唱會,做talk show都得,想唱歌可以一人唱三分一,拼盤騷組合。」步向雜錦演唱會之路?小方笑稱:「呢啲先至好搵呀。」至於ViuTV是否真正開拍節目及洽談他出演?小方說:「我同Viu都合作過做選美節目,大家都熟,睇緣份啦!我話唔到事,天話事。」

在鄭中基在演唱會上,小方又寸bob現在主持《美女廚房》節目造假,昨晚小方和阿bob碰頭一齊合照,小方說:「頭先阿Bob同我講個節目唔係假㗎!我哋做藝人都係娛樂大家,得啖笑,最重要內容唔好傷害到人,佢哋節目都好成功,又攞獎,得啖笑,facebook洗晒版,我都有轉發,證明受歡迎啦。」

10萬蚊 100人分!
星期一至五晚上10點半
《動腦Q》Let's Q the money!
http://bit.ly/2QW8LcI

精選娛聞,喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載