古天樂、毛舜筠、余安安、爾冬陞及關信輝，今日去到尖沙嘴文化中心，出席《第38屆香港電影金像獎》頒獎典禮記者會，頒獎禮將於4月14日假香港文化中心舉行。
古仔在過去一年擔任「金像同行」大使，為香港罕見疾病聯盟宣傳，古仔說：「希望藉金像獎令大家關注罕有病患者，因為佢哋用嘅藥都好貴，要畀多啲支持。」
有報道指古天樂捐兩億幫父母積福，同時於大陸興建第104間學校，幫助貧童，古仔表示關於慈善不回應，但與父母飲茶屬平常事，古仔說：「同阿爸飲茶就比較少，因為阿爸講嘢好大聲，我哋全家都撞聾，細個時阿爸好鍾意將電視開到好大聲，雖然佢有戴助聽器，但去到酒樓依然講嘢好大聲，佢係好節儉嘅人，比較鍾意喺屋企食。」古仔笑言平時在家都感覺很嘈吵。
有份在首輪投票的毛舜筠表示，看好憑《淪落人》提名今屆影帝的黃秋生，毛舜筠說：「睇好秋生攞影帝，佢特別出色，令我又喊又笑，三個字，冇得輸，係我好個人嘅意見。女仔比較平均，我當然睇好同公司提名最佳女配角嘅紅姐惠英紅。」
今年毛舜筠為「金像同行」與慈善機構關注學童發展權利聯席拍攝短片，幫助基層家庭兒童，毛舜筠說：「會訪問基層家庭，個家庭冇錢買肉食，就算有都畀晒小朋友食，所以我同小朋友會煮一餐畀佢父母享用，我好理性，唔會忍唔住喊。」
精選娛聞，喺晒《娛果》
http://fb.com/appledailyent
第二屆最港電影大獎投票網址
https://bit.ly/thekongestfilmawards2018
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI
