› 選擇地區
三藩市
紐約
洛杉磯
其他美國地區
香港 台灣 北美
 
2019年02月17日

【一直申請】自資補辦個唱行政費用高 華仔稱公開發售要十場先可以打平

建立時間 (HKT): 0217 12:05

劉德華今天在馬鞍山以主禮嘉賓身份出席「傷健共融步行 X 運動日起步禮」,早前華仔因患上甲型流感被迫取消個唱,所幸今天現身時精神奕奕,又代表大會接受二百萬支票捐款。

華仔於台上被問到10年前為傷殘奧運會創作的主題曲《Everyone is No. 1》,華仔說:「呢句說話,我細細個已經同自己講,當人哋話我唔得嘅時候,我就同自己講:『我係第一,我係第一,我係第一。』」司儀提到17年華仔發生墮馬意外,問他於康復期間,如何鼓勵自己?華仔說:「我有兩個半月喺醫院,以前我講好多鼓勵人哋嘅說話,但係當時自己每日都覺得好孤獨,未試過睇咁多劇。一起身擘大眼就係睇電視同上網,喺網上面同醫院嘅人,都講返好多以前我鼓勵人哋嘅說話黎鼓勵我,令我領略到傷健共融好重要,係好歡樂嘅時光。」

華仔受訪時,談到農曆新年假期,與囡囡返外家大馬探親:「返去𢭃利是同派利是,盡量每年都返去啦。」囡囡是否很喜歡農曆新年氣氛?華仔笑指女兒每日都很開心:「屋企人一齊就鍾意㗎啦。」提到入紙紅館再辦演唱會的事,華仔聞言即話:「盡力啦。」記者指是次演唱會可謂一波三折,華仔樂觀表示希望在明天。

紅館檔期很多人爭?華仔笑住話:「我有大把時間,其實都幾開心,見到大家都希望同我一齊實現到呢件事。」既要為演唱會處理退票安排,又再補辦演唱會,行政費用是否很龐大?華仔直言:「都係我嘅事啫,我個人(自資補辦演唱會)會好啲,如果有合作伙伴就難啲,而家我自己決定會好啲。而家都未知啲Sponsors點樣,基本上冇得賣(演唱會門票)。」

華仔透露是次補辦演唱會,假如每位觀眾都回來睇騷,基本上是無法再次公開售票,所以最少要申請七天檔期:「但係如果要公開發售嘅話,咁就需要十場先可以打平,所以都會用十場嚟申請先。」對於有網民表示退票安排混亂,華仔坦言一定會有混亂情況:「大家都未試過,都會有正正負負嘅聲音,盡力做啦。」

嘗試申請今年年底檔期失敗,華仔表示不會失望,應以正面態度面前:「我都退過一次,已經畀咗兩年,唔畀我都應該嘅。多謝大家支持我,但我哋都要支持香港樂壇,香港樂壇好重要,其他藝人都好重要。」他強調會一直申請,假如明年二月不成功,便三月、四月,一直入紙:「暫時出年嘅工作都未安排,二月會留畀演唱會,如果真係唔得咪諗其他嘢做,或者休息囉。」華仔表示現時要忙於到各地巡迴演唱,問他會否特別保重身體?他笑謂:「唔好諗咁多啦,冇嘢嘅。」

精選娛聞,喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

10萬蚊 100人分!
星期一至五晚上10點半
《動腦Q》Let's Q the money!
http://bit.ly/2QW8LcI

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載