蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年03月02日
馬上成為壹會員

【第二屆最港電影大獎(5)】外國女導演屢遭歧視欺凌 彭秀慧:我哋相對幸福

建立時間 (HKT): 0302 00:00

舞台劇與電影,從來是兩種截然不同的表演藝術,彭秀慧示範了如何完美結合,將《29+1》改編成電影,贏得口碑與票房,去年更勇奪香港電影金像獎新晉導演獎。舞台劇與電影之間,Kearen沒有偏愛,只道出各有挑戰與滿足。「舞台劇劇本對我嚟講,係一個完全自由嘅空間,去寫我嘅世界,創作過程係滿足緊自己;電影世界有資金上嘅考慮,始終話事嘅唔淨係得你一個,可能係有啲妥協,但往後嘅受眾係多好多、遠好多、長好多,都係滿足感嚟。」Kearen計劃完成4月的舞台劇《月球下的人》後,會將更多時間放在電影裏:「我都成日講,嗰啲(新晉導演獎)只係入會證。要繼續做先至會見真章。」

相關新聞:【第二屆最港電影大獎(2)】提名揭曉 《淪落人》迎戰《逆流大叔》

近年冒起不少新晉女導演的名字,如《以青春的名義》的譚惠貞、《淪落人》的陳小娟、《地厚天高》的林子穎等,但電影圈曾被認為是男人的世界,身為女導演會否遇到不少難題?Kearen說:「我唔能夠百分百識答呢個問題,因為我相比起好多人,喺片場嘅日子係短。」她看過不少外國女導演個案,得悉她們遭遇歧視和欺凌,甚至會被列入黑名單:「香港嘅女性導演相對地幸福嘅,甚至我聽過啲老闆講,想有多啲女導演。女性嘅細膩、溫柔,拍嘅言情小品,香港觀眾都好鍾意睇。」

談到一齣電影的成功元素,Kearen認為好電影種類很多,有些拍得好,有些演得好,也有發人深省的,有社會意義的。但最觸動到她的卻是「餘韻」,「你講出嚟嗰下都口震,同埋會有悸動嘅時候。好嘅電影,會令到個社會、令到個世界更加美好。」過去幾年港片,除了產量少,亦一直予人感覺題材不夠多元,Kearen卻不認同,反而覺得有很多年輕導演想講心中的故事,而「首部劇情電影計劃」也幫了他們一把:「當你千辛萬苦得到呢個機會,我覺得導演絕對係希望用自己200%嘅心血,去拍一個可以帶落棺材嘅作品。」

相關新聞:【第二屆最港電影大獎】提名本土獎項好驚喜 鄧麗欣:為香港電影出力

Kearen又認為這一代的年輕導演,將會主宰未來十年的香港電影業,她相信10年後,那些大導演可能會再退後多兩、三步,而這班新世代導演都有團火,有說話有訊息想講,而並非純粹為了娛樂,因此她對未來電影業非常樂觀:「如果大家對呢個地方,繼續留守呢度,繼續喺呢個行業去做,我覺得應該越嚟越好。除非10年後已經唔興睇電影,原來隨時可以VR,隨時都走得入一個講故事嘅世界。咁就係另一個畫面。」

採訪:馮國康
攝錄:馮峰、Neo
攝影:沈健程
服裝:Atsuro Tayama
髮型:Jo Lam @ Salon Trinity
化妝:Tricia Siu

精選娛聞,喺晒《娛果》
http://fb.com/appledailyent
第二屆最港電影大獎投票網址
https://bit.ly/thekongestfilmawards2018
10萬蚊 100人分!
星期一至五晚上10點半
《動腦Q》Let's Q the money!
http://bit.ly/2QW8LcI

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載