› 選擇地區
三藩市
紐約
洛杉磯
其他美國地區
香港 台灣 北美
 
2019年03月11日

【獨家】肥媽聲稱已退股尊位 龍小菌文恩澄被拖糧逾11萬

建立時間 (HKT): 0311 17:00

《蘋果》昨日踢爆肥媽(Maria Cordero)去年10月舉行慈善晚宴,為香港防癌會籌得逾百萬元,但至今防癌會仍未收到善款,肥媽稱善款由活動贊助人尊位集團保管,並指自己為晚宴墊支了樂隊、化妝等人員薪酬,涉款40多萬元,尊位至今未找數,另身為代言人的她,每年有40萬元代言費及25%分紅,亦一直沒有收過,肥媽指自己都是受害人,去年決定從尊位退股,屢向尊位負責人郭敦誠追討款項不果(新聞連結: https://bit.ly/2TtcVir )。

相關新聞:【蘋聞追Click】員工去年12月起無糧出 負責人:欠薪不嚴重

尊位近期傳出財困欠薪,原來除了肥媽是受害人,龍小菌和前歌手文恩澄(Rannes)都是苦主,合共被拖糧逾11萬元。現全職擔任影片導演的文恩澄,去年尾為尊位拍攝宣傳片,她接受《蘋果》電話訪問表示:「小菌係呢間公司受薪員工,之前呢間公司話要拍宣傳片,小菌介紹咗我交計劃書畀佢哋,我真係花咗好多心機做story board,最後搵咗我哋拍,Patrick即係嗰位郭生(尊位負責人郭敦誠),佢一直以嚟畀我感覺好豪爽,佢話拍得好就得啦,我都有解釋畀佢知,錢銀用喺邊度,價錢點解會咁高,有啲佢要求嘅嘢,一定要呢個價錢先做到,我解釋完之後,佢話:『好呀,照你意思!』所以嗰陣時覺得呢個老闆幾好,唔會強人所難。」

文恩澄指當初收取了訂金,才開始進行拍攝工作:「拍嘢嘅過程,佢都突然間話想加呢樣加嗰樣,佢話:『錢唔係問題,我加錢啦。』嗰啲錢佢即場畀咗,咁拍完晒嘞,我哋啲機、燈、crew、演員,其實我自己找咗數畀佢哋先,我都唔鍾意拖人糧,所以就算Patrick嗰邊公司都未畀番錢我呢,我都係用自己錢畀晒糧先。所以我係貼錢幫佢拍嘢嘅情況之下,仲未收到尾數。」

相關新聞:【蘋聞追Click】以打入精英社交圈作招徠 賣會籍遭投訴無遊艇用

宣傳片於去年10月肥媽慈善晚會上首播,文恩澄說:「晚會嗰晚,佢(Patrick)叫我安排兩個攝影師去拍嘢,所以佢欠我嘅尾數,係包括拍宣傳片同晚會攝影師嘅尾數,大約7萬幾8萬蚊左右,到而家3月,我仲未收到尾數,我係追咗好耐,WhatsApp、Wechat、send message,佢係完全唔覆我機,所以我都唔知點算!」

而龍小菌則在電話說:「尊位呢間公司呢,都係經朋友介紹認識郭生,我幫佢公司處理online marketing嘅嘢、幫佢哋接洽一啲工作,我哋係以project計。因為最近兩個月,見到公司情況麻麻哋,但有啲工作都係要做咗先,所以我幫佢哋墊支咗一啲錢,計計埋埋佢哋欠我兩個月糧同埋一啲墊支嘅錢,總共$43,000。」

問到採取甚麼行動追糧?小菌無奈說:「行動就諗唔到有乜做咗會畀番錢,因為見之前佢哋嘅員工都追唔到欠薪,所以我都冇特別去諗,惟有努力做而家自己嘅工作。其實我唔好意思,始終叫咗Rannes幫佢哋拍廣告片,片又拍咗,但錢又冇找足,有啲設計嘅朋友幫佢做咗嘢又冇收到糧,因為呢間公司唔係成立咗好耐,可能日後同人合作要再審慎啲,睇訪問佢都話係有限公司,有限責任,如果佢要清盤都冇辦法。」

《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw

全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載