› 選擇地區
三藩市
紐約
洛杉磯
其他美國地區
香港 台灣 北美
 
2019年03月28日

【歧視華人事件】琦琦力撐好友汪詩詩 尊重係基本禮貌

攝影:陳慧安
建立時間 (HKT): 0328 23:20

一年一度在會展舉行的巴塞爾藝術展,每年均吸引香港名人明星參與,今天名模琦琦、張智霖與太太袁詠儀、蔡一智夫婦、呂良偉夫婦與伍詠薇夫婦等也現身看展覽,琦琦在展覽中更看中名畫,特意跟友人前來欣賞,若有緣買下她將放在家中收藏。

提到近日好友汪詩詩在慈善晚宴中受到外國主辦單位歧視,琦琦撐詩詩說:「我啱啱喺英國見到詩詩,我冇去到,子丹同詩詩都係我嘅好朋友,佢哋嘅脾氣好好,可能安排或者啲鬼佬令到佢哋有少少唔舒服,係朋友一定係企喺佢哋嗰邊,佢哋唔會亂(講),大家都係支持慈善活動、都係有個慈善嘅心,畀人咁樣(對待),心情可能會有少少唔開心,但係我覺得佢哋係好包容嘅人。佢哋喺IG提及《Green Book》,其實我睇咗3次,所以歧視中國人嘅人應該睇吓學吓點樣去尊重人,冇論係黑人、中國人、黃皮膚又好、金頭髮又好,喺呢個地球生存嘅人都應該懂得尊重人哋,聽到啲新聞,佢哋一定有佢哋嘅道理。」

琦琦坦言在外國也曾經歷遭人歧視,但她同樣不會啞忍,她說:「生存喺世界上,尊重係一種基本嘅禮貌。」問她會否覺得大會應道歉?琪琪說:「如果叫得子丹去支持,應該take care佢,大家都係抱住慈善嘅心,起碼話畀佢知應該要做乜嘢?喺邊度坐?佢都算係半個主人家,應該尊重番佢。」

至於Chilam與靚靚及蔡一智夫婦一同看展覽,靚靚素顏現身依然大方任影,Chilam與靚靚逗留半小時便離開,離開時他們更開心跟記者揮手道別,心情大靚。而伍姑娘則笑問記者會否入場?記者指看伍姑娘便夠,她搞笑回應說:「都係嘅,我都係一件art piece嚟嘅。」

-----------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-----------------------------
3月28日 10am-11pm《MINI GAME大挑戰》
玩小遊戲隨時送你去任何地方嘅來回機票
https://bit.ly/2WigzsG

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載