› 選擇地區
三藩市
紐約
洛杉磯
其他美國地區
香港 台灣 北美
 
2019年03月29日

【最緊要人冇事】紅隧遇上四車相撞 任達華冒雨截車讚人間有情

(攝影:林賓尼、羅慧敏)
建立時間 (HKT): 0329 22:19

任達華夫婦、呂良偉夫婦、張智霖夫婦、蔡一智夫婦等今日在九龍灣出席一個鐘錶品牌舉行的派對。

華哥與琦琦分別乘坐兩車抵達會場,華哥一落車,即說:「人間有情!」他解釋在前往會場時,在紅隧出口遇上四車相撞,他的司機在意外中弄傷尾龍骨:「我喺第三架車,我部車俾後面撞到一下,都有嚇親。我司機、對方司機都入咗院,當時好大雨,因為有受傷所以都有報警。」他即大讚人間有情:「因為頭先冒雨截車,喺紅隧對出截到一部,我打算叫佢車我去搭車,點知司機話車我過嚟。上車時司機都未知我係邊個,上咗車先知,香港真係好,係一個人間有情嘅地方。」

華哥又說車禍中前兩部車都已離開,相信兩車都冇大礙,他又說:「都係個句,最緊個人冇事。」問到琦琦聽到事有冇嚇親?她說:「我都係啱啱知,我哋分開車嚟。」問到之前有冇遇過相似交通意外,華哥說有,琦琦解釋:「佢之前救咗我一個模特兒朋友,我朋友見到我,都會講係我老公救咗佢一命,嗰時凌晨兩點幾,華哥拍完戲,見到有車禍就報警,仲送咗佢入院。」

而華哥之前生日,琦琦與女兒都不在香港,問到會否後補慶祝?琦琦說:「有㗎,因為我要陪阿女放假,但佢之後都有整個蛋糕俾華哥。個女聽日就返嚟,不過而家老公冇車用,都仲未敢同個女講。」

另外,Chilam自言最喜歡收藏的藝術品是手錶、名畫及車,現時收藏有近20幅名畫,當中曾經一幅以7位數字買下的名作,現已升值兩倍,他說:「我唔係玩物喪志嘅,都鍾意買啲有價值,唔會亂花錢,都有買中咗㗎,有幅畫用7位數字買,升咗1、2倍,有做拍賣嘅朋友問我賣唔賣,我好想試,但又怕賣咗買唔返,好矛盾。」Chilam笑言收藏會放進倉,他笑說:「唔敢放喺屋企,怕個仔踢波或者玩回力鏢。我都好鍾意收藏手錶㗎,特別係陀飛輪,會儲埋,代代相傳。」

《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載